33

لقد دقت الساعه الثانية عشر ودقيقه اليوم العشرين من شهر اكتوبر  

 إمبارح كان عمرى 32 سنه و 11 شهر و19 يوم لكن النهارده بقى عمرى :

(33)

فى ناس كتير بتقولى انتى البنت الوحيده اللى مش بتتكسف تقول على سنها انا بقولهم واتكسف ليه انا بثق فى نفسى وعارفه ان الصغير مسيره يكبر وبنت ال16 النهارده هى نفسها بنت ال36 بكره وهى نفسها بنت ال56 بعده و كل سن له حلاوته ومانكرشى انى لما كنت عندى 13 سنه او 23 ماكنشى عندى خبرة دلوقتى فى كل حاجه الذوق فى اختيار اللبس والتعامل مع الناس والعلم والمعرفه.

متعوده دايما (:

إنى أحاسب نفسى مع بداية سنه جديده فى عمرى وأقيمها أشوف إيه سلبياتها وإيه إيجابياتها وإيه اللى إتعلمته و إيه اللى منعنى عندى إنى أتعلمه ومين اللى أثر فيا بالسلب و مين أثر بالإيجاب .

السنه اللى فاتت قلت الاتى :

(مأقدرشى أنكر إن السنه الواحد وثلاثين من حياتى كانت شديدة القسوه شفت اللى ماشفتهوش طول حياتى إتعاملت مع ناس سيئه جدا وشفت ناس كتير معندهاش ضمير ولا أخلاق ولا دين عمرى ماكنت أتصور إنى ممكن أتعامل معاهم  وشفت خيانه كتير وغدر كتير وحظى السىء خلانى أتعامل  مع أحط طبقات المجتمع وبعترف إنى نزلت بمستوايا  كتير عشان أحاول أرد الإساءه بالإساءه أوحتى عشان أكون على مستوى الموقف لكن فشلت فى الإتنين وده كان أحسن كتير لأن مش صح الناس دى ينجحوا فى إنهم يخلونى زيهم وده اللى إتعلمتوا مؤخرا و دى كانت من الإيجابيات وإتعلمت كمان إن زى مافى ناس وحشه فى الدنيا فى ناس حلوه حواليا كتير وإنى لازم أشوف نص الكبايه المليان مش الفاضى و إن مافيش حاجه ممكن تخلينى سعيده زى نفسى وإنى أسيطر على غضبى و إنى أسمع كويس قبل ماهاجم (:

وإنى أكون متأكده إن عاجلا أو أجلا هايدفع أى أنسان تمن غلطه ولو بعد حين ومش لازم أضيع وقت فى إنى أكره حد لكن لازم أضيع بعض الوقت فى إنى أحب نفسى

السنه دى بقى قابلت ناس أسوأ لدرجة انى حسيت انى اللى قابلتهم قبل كده كانوا ملايكه لكن الجديد ان عرفت ازاى اتعامل معاهم وازاى اكون حكيمه (الى حد ما) فى تصرفاتى وازاى اتقبل النقد وحاسه انى بقيت اهدى (الى حد ما) وبحاول اقلل من عصبيتى( الى حد ما ) 

  

بس زى ماقابلت ناس سيئه كمان اتعرفت بناس غايه فى الروعه والجمال واتمنى صداقتى تدوم بيهم ان شاء الله 

اتمنى السنه التلاته وتلاتين فى حياتى تكون احلى واروع واجمل ان شاء الله 

أنا عظيمه

أنا البدر فى علاه

أنا القمر فى سماه

هذا الكون قد خلق لأحياه

من سلالة الملوك ولدت

وفى بيوت الأنبياء ترعرعت

 عقمن النساء أن يلدن مثلى

ولم تخلق من تنافسنى

الأمطار هطلت لإنعاشى

و الزهور تنوعت لإسعادى

السماء رفعت لأستظل بها

 والأرض إستوت لأخطو عليها

الشمس خلقت لتعكس بريق عيناى

والورود خلقت لتغار من حمرة شفتاى

كل من حولى يطلبون ودى

والزمن قد توقف عندى

سخر العالم لخدمتى وإراحة طاقتى

خلقت لأكون مرغوبه

ومن يومى أعجوبه

أحب نفسى كثيرا وأتدلل تدليلا

لم يملأعينى من يرافقنى دربى

ولم أجد من يأسر قلبى 

ولم أبحث ؟؟

وأنا القلب والدرب

أنا فيلسوفة عصرى وحكيمة زمانى

ولن أمت لأن لن يجأ أوانى

أعشق لذاتى وأملك حياتى

وأنا كل الماضى والأتى

جميلة السيدات وسيدة الجميلات

 لا تلومونى فأنا 

هلاوس ليليه (2)

قمة الحب أن تتمنى لحبيبك أن يرتبط بأخر لأنه سوف يشعر معه بالسعاده أكثر منك

قمة السعاده تساوى خصوبة السراب

السراب هو عكس الحقيقه

الحقيقه هى العدوه الأولى للدبلوماسيه

الدبلوماسيه هى وصف الأخرون كما يرون أنفسهم وليس كما نراهم نحن

الأخرون هم الجحيم

الجحيم الجزء الأعمق من العذاب

الجزء الأعمق من النفس هو اللاشعور

اللاشعور ملىء بالرغبات المستهجنه

الرغبات الجنسيه هى السعى لممارسة الحب بيولوجيا

قمة الحب أن تتمنى لحبيبك الإرتباط بأخر لأنه سوف يشعر معه بالسعاده أكثر منك

رحلتى مع العلاج النفسى (3)

 البوست الماضى يعطى إحساس بأن كل هذه الفئه لا تطبق العلاج النفسى كما ينبغى ولكن هذا غير صحيح لأن يوجد معالجين وأطباء يطبقوا العلاج النفسى بجميع قواعده أو حتى 90% منها  وسأتحدث عنهم فيما بعد وهذا طبعا على إعتبار إن كل مهنه يوجد فيها الجيد و يوجد فيها الردىء .

يوجد فرق كبير بين الطبيب النفسى والمعالج النفسى والمحلل والمرشد والأخصائى ولكنى سأتناول إثنين منهما الأن وهما الطبيب والمعالج أولا فى الشهاده العمليه :

الطبيب النفسى:خريج كلية طب قسم سيكاترى

المعالج النفسى: خريج كلية أداب قسم علم نفس أخذ الماجستير والدكتوراه ثم رخصة معالج نفسى من وزارة الصحه

 

فى نظرى يوجد فرق كبير جدا بين الإتنين فى مجال العمل وبالرغم من أن الإتنين مهمين ولا يجوز تفضيل واحد على الأخر الى ان السواد الأعظم من الناس يحتاج المعالج أكثر وهذا ليس تحيزا للمعالج ولكن لأن المعالج يتقن فن الإنصات أكتر من الطبيب بالاضافه الى إتقانه فن التعاطف أيضا.

مثلا ناخد مثال من هو أشهر طبيب نفسانى فى مصر ؟؟

أحمد بيه عكاشه صاحب منتجع (بورتو نفسى ) أحمد عكاشه لا ينصت إلى أحد ولكن من ينصت هما المعالجين والأخصائيين النفسيين الذين يحصلوا على مرتبات أكبر من الأطباء والذين من غيرهم يفشل المنتجع وهذا بشهادته الشخصيه

 وذلك لأن الفنانه فيفى عبده على سبيل المثال عندما تقوم بحجز سويت فى المنتجع عدة أيام فمن المؤكد إنها تريد إراحة أعصابها من الضغوط والإنصات لها فقط  ولكن الاطباء وظيفتهم الوحيده كتابة روجته بالأدويه وهذا يكون فى الحالات الهينه من العصاب والشديده من الذهان يعنى بالبلدى(الجنان الحراق حبتين)

هذا فيما يخص الإنصات.

2-التعاطف:طبعا لو كان الأطباء البشريين يمتلكون تعاطف كفايه مع المريض ومعظمهم لا يتصف بالجمود فمن المرجح أن يكون الأطباء النفسيين أيضا كذلك  ولكن للأسف دراستهم فى كلية الطب  أعطتهم نوع من أنواع الجمود  وهذا أيضا ليس رأى الشخصى ولكنها شهادة طبيب من أهلها فى حين أن المريض فى حاجه دائمه وملحه للتعاطف الدائم ويجب أن يظهر المعالج هذا التعاطف فى أوقات معينه بنبرة صوته أو تعبيرات وجهه

الخلاصه :

إذا أردنا تلخيص كل ماسبق نستطيع أن نقول:

(إذا كان العلاج النفسى صفحه من كتاب الطبيب فهو كل حياة المعالج) 

يتبع....