بتفرج على الفيديو ده على اليوتيوب بيصور مشاهد من عملية فض الاعتصام و الشرطه بتضرب رصاص حى على المتظاهرين وبيقعوا يموتوا وكتير منهم عٌزل من السلاح و مضحوك عليهم بحلم الشرعيه و الشريعه و إتاخدوا فى الرجلين
ده غير الفيديو ده اللى فيه جثث متفحمه فى اعتصام النهضه
وعماله اقول
لاحول ولا قوة الا بالله دول ميستهلوش يجرالهم كده !
وفى نفس الوقت فاتحه التلفزيون شايفه الارهابيين فى الفيديو ده معاهم ألى فوق كوبرى 15 مايو وبيضربوا نار برضه على ناس عٌزل من السلاح وشايفه ميدان رمسيس وهو مليان ارهابيين ورافعين الاعلام السودا الخاصه بتنظيم القاعده ومانعين يدخلوا المصابين بتوعهم فى المستشفى اكيد عشان ناويين يتاجروا بيهم قعدت اقول حسبى الله ونعم الوكيل يارب يولعوا كلهم !
ادخل على تويتر الاقى الناشط اسامه المهدى هنا ناشر صور جثث متفحمه فى اعتصام رابعه ارجع اقول لاحول ولا قوة الا بالله
ادخل تانى على اليوتيوب الاقى الفيديو ده سحل سائق اسكندريه على ايد الاخوان
ارجع اقول حسبى الله ونعم الوكيل
ارجع تانى ابص على تويتر الاقى شهادة واحده ان خالها اخوان وانه مات على ايديهم
اقول تانى حسبى الله ونعم الوكيل ربنا ياخدهم كلهم
وبغض النظر عن ان مصر كلها بتمر بحالة الشيزوفرينيا دى سواء صرحوا بيها او لأ
وان كل طرف فى حته جواه بتقوله انه مش على حق 100%
وان كل طرف فى حته جواه بتقوله انه مش على حق 100%
الا اننا نفضل قدام حقيقه مهمه! اكيد كلنا ضد قتل النفس
التى حرم الله قتلها الا بالحق واكيد كلنا كمان ضد الارهاب لكن يفضل فى
حقيقه واحده لا مفر منها وملهاش حل تانى للاسف:
ان لازم يموتوا اللى على اليوتيوب عشان يموت معاهم اللى على التلفزيون ويعيش بقية الشعب اللى قاعد يتفرج على الاتنين فى امن وامان وهو بيعارض او بيؤيد وبياكل فشار
المشاركات
