جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

16‏/11‏/2011

خليك حر واقلع ملط





فعلا صدق من قال ان الشعب المصرى وجد حريته وعندما لم يستطع استخدامها قام بالضغط على كل الازرار دفعه واحده
منهم من رأى ان الحريه تكمن فى ان ينهش ويثور ويسب من يختلف معه بالرأى وأصبح الرأى يفسد للود قضايا 
ومنهم من رأى أن الحريه  تكمن فى أن يقوم بركن سيارته صف تانى وكأن الصف الأول كان من أفعال الشرطه الحمقاء
ومنهم من رأى أن الحريه تكمن فى النجاح فى إنزال علم من على سفاره وكأن مافيش علم غيره
ومنهم من رأى أن الحريه تكمن فى كسر جدار وحرق مبنى و إقتحام سفاره وكأن هذا لا يدخل تحت إطار التدمير وفرض الرأى بالعنف
ومنهم من رأى أن الحريه لا تكمن فى أنه يستطيع السير فى الطريق بلحيته كما يريد ولكنه يستطيع أن يفرض معتقدات لحيته على الأخرين 
وأخيرا وليس (أخرا) من وجدت إن الحريه تكمن فى إنها تقلع ملط وكأن الحريه هى حريه جنسيه وجسديه فقط أو ترى إن أكثر بلاد العالم تقدما عراه

السؤال الأن هل سيجد الشعب المصرى كتالوج الحريه أم إنه سيظل مفقود للأبد؟؟؟  

13 مستعده أن أضحي بنفسي من أجل حقك في أن تقول رأيك ".:

Tamer Nabil Moussa يقول...

ولسة ياما نشوف من الناس اللى فاهمة الحرية غلط

ربنا يسترها

مع خالص تحياتى

sabry abo-omar يقول...

خسارة البنت دى انا مشفق عليها .. اكيد حالة للدراسة والبحث النفسى والسلوكى واظنها ضحية مجتمع فاشل وفاسد ولو بحثنا هانلاقى اهلها كمان مرضى نفسيين.. انا لو من اهلها هاحاسب الشاب اللى معاها واحاكمه.. على فكرة لازم نسال نفسنا ليه سن الرشد من 21سنة وكيف يعاقب من هو اقل سنا على افعاله.. ارجو الا نقذفها بالشتائم ونترحم على الحرية والمسئولية وهى مسئوليتنا التى تخلينا عنها نحن الكبار.. تحياتى لقلمك ومناقشتك هذا الموضوع

غير معرف يقول...

سيجد الكتالوج بعد 100 سنة -

وانتظرى منى مقال بالليل أو بكرة عن الموضوع ده برضة

تحياتى لك

منى الغرباوى

Hesham يقول...

طيب السؤال الاساسى هنا ماهو مفهوم الحرية ؟ على فكرة انتظى اليوم اول حلقة من اشر النساء المنافسة بينى وبين منى

فافى يقول...

تحياتى ليكم كلكم على متابعتكم


استاذ هشام :مفهوم الحريه يتجاوب عليه فى بوست لوحده :)
ومنتظره لقاء التحدى بينك وبين منمون ولو انى مشفقه عليك لان الرجاله بتبان شرها لكن الستات من تحت لتحت هههههههههههالله يعينك

شاب فقرى يقول...

اختلف معنى الحرية فى عقول الناس
ولكن اتفقوا على إرضاء أهواءهم بكل شكل تحت شعار الحرية
تحياتى
فقرى

فافى يقول...

ايها الشاب الفقرى اتفق معاك قلبا وقالبا :)
ميرسى على متابعتك

جايدا العزيزي يقول...

مقال رائع

راقنى كل حرف فيه

لانه يعبر عن واقعننا المرير

طرح راقى لكاتب متميز

تحياتى

فافى يقول...

جايدا :
ميرسى ليكى على متابعتك ومبسوطه ان المقال عجبك

شهرزاد المصرية يقول...

و ألله حاجة تحزن يا عزيزتى
بس فيه نقطة
أنا لا أعتقد ان كثير من حريات الكلام و كثير من الأفعال الشخصية كانت مقيدة قبل الثورة
و أنا من المؤيدين للثورة تماما و لكن الثورة قامت لأنهم كانوا سايبين الناس تتكلم و تهوهو بدون اصلاح أى شئ و طبعا تجاوزات الشرطة مع الناس بس كان فيه منقبات و ملتحين رغم ان الموضوع ما كانش مفتوح تماما طبعا و اللى عايز يقلع أعتقد فى دى بالذات ما كانش حد حيمنعه
البنت دى فعلا محتاجة دراسة نفسية لأنى ممكن أفهم انها تعمل كدة كتعبير عن الحرية بعد الثورة فى دولة كانت متشددة جدا مثلا و بتفرض النفاب أو الحجاب قبل الثورة اما احنا فانتشار الحجاب و الاحتشام كان اختيار شخصى قبل الثورة و النظام لم يكن يشجعه طبعا
و لسة الوضع اختيار شخصى لحد الآن
يبقى ليه بقى هى تعمل كدة؟ دة مفهوم مستورد للحرية و حتى فى الغرب معظم الناس لا تشجعه رغم فكرتنا عنهم بس معظمهم مش زى فكرتنا عنهم
البنت صعبانة عليا رغم انها جابت لى صدمة لما سمعت باللى عملته هى طبعا ضحية اضطراب نفسى و تربية خاطئة من الأساس و ربنا يلطف بينا

فافى يقول...

شهر زاد:
اوافقك جدا فى رأيك احنا ماكناش مغطيين اوى عشان تقلع هى دلوقتى :)
وعلى فكره انتى تانى شخص يقول انها محتاجه تحليل نفسى وانكم مشفقين عليها واكيد ده له دلاله
ميرسى لمتابعتك :)

Alfrsan-Tv يقول...

والله انا عن نفسى مسدقش انك بنت !

فافى يقول...

alfrsan-tv

اولا: ماصدقتش بالصاد مش بالسين :)
ثانيا :اشمعنى !

إرسال تعليق

fafy music