جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

07‏/12‏/2010

نكتة الإنتخابات البايخه



أسجل فى مدونتى إحترامى لموقف عضو مجلس الشعب السابق لدائرة بنها وهوالأستاذ محسن راضى (إخوان مسلمين) والذى قام بترشيح نفسه  للمره  الثانيه على التوالى لموقفه من عملية تزوير الإنتخابات حيث طبع منشور سخط على الحكومه وأتباعها ممن قاموا بتزوير الإنتخابات أينعم مش هايجيب نتيجه ولاحياة لمن تنادى لكن على الأقل لم يقف سلبيا وحاول أن يمنع( منكرا) بلسانه.

أشكره وأقول له لا حياة لمن تنادى فى بلد كان يعرف فيها الناجحين بالإسم  فى اليوم السابق لإقامة الإنتخابات.

لا حياة لمن تنادى فى بلد يعرض فيها الرشاوى على القائمين بالإنتخابات ليقوموا بتزوير النتيجه على مرأى ومسمع من جميع الناس وكان قبل ذلك يحدث فى الخفاء على رأى حسين الجاسمى زمان كان اللى على راسه بطحه بقى النهارده يا عينه يا جبايره.

لا حياة لمن تنادى فى بلد نجح فيها جميع الوزراء المرشحون وكأنهم كلهم محبوبون.

لا حياة لمن تنادى فى بلد يحقق فيها عضو مجلش الشعب مصالح شخصيه بدلا من خدمة الناس.

عموما الحكومه أكبر مننا وأكيد تعرف مصلحتها قصدى مصلحتنا أكتر مننا ولما تبقى شايفه إن الطبيب الخاص  للرئيس هو اللى المفروض يكسب يبقى لازم (يكسب )قصدى ينجح.

كما أتقدم بالشكر للنائب جمال (كوش) عن دائرة الرمله مركز بنها أينعم لم ينجح لكنه نجح فى الجمع بين إسمه وخطته الإنتخابيه فى أن واحد
إسمه جمال واللى هايعمله بعد ماينجح إنه (هايكوش).

كما أتقدم بطلب إحاطه للمرشح الذى إشترى الطماطم بعشرة جنيهات  أثناء حملته الإنتخابيه وقام ببيعها للناس بخمسة جنيهات فقط  ليضمن أصواتهم فأسأله بعد نجاحه فى الإنتخابات هلى ستكرر ذلك أم ستكتفى بعمل إتفاقيه مع إسرائيل لزرع محصول طماطم جديد مطابق للمواصفات السرطانيه.

كما أتقدم بطلب إحاطه أخر للمرشح الذى دفع 100 جنيه لكل منتخب حتى يضمن أصواتهم وأسأله هل ستكرر ذلك أم ستكتفى بإعادة جمع أموالك تحت مسمى
(علاج على نفقة الدوله)

كل إنتخابات مجلس شعب وإنتوا طيبين وعقبال إنتخابات الرياسه حتى أتقدم بالشكر للبرادعى على إصدار منشور مماثل لمنشور محسن راضى.

6 مستعده أن أضحي بنفسي من أجل حقك في أن تقول رأيك ".:

Mona Abo - Elso3od يقول...

صباح الخير
اولا حلو االبوست اوي
ثانيا انا في ردي عليكي لما سألتي علي موضوع الموسيقي رديت عليكي في ردي علي تعليقك تعمليها ازاي انا مش نادلة :))
ثالثا ليه شيلتي التعليق بتاعك امبارح من مدونتي ...؟؟
علي فكرة انا شوفته ..:))))
بس يرلحتك مش زعلانة انا بنكشك بس

سمو الامير يقول...

كل إنتخابات مجلس شعب وإنتوا طيبين وعقبال إنتخابات الرياسه حتى أتقدم بالشكر للبرادعى على إصدار منشور مماثل لمنشور محسن راضى.

الجميل في بلدنا ان الحاجات اللى بنتخيل بيها المستقبل بشئ من روح الدعابة وخفة الظل
بيتحول لواقع بعد كده
وتتحول الكتابات الساخرة لتنبؤات حدثت بالفعل

للأسف ..

fafy يقول...

عندك حق يا سمو الأمير وعشان كده سميت البوست نكته بايخه عشان دى اللى بيسموها الكوميديا السوداء بجد هم يبكى وهم يضحك وياريت نطلع انا وانت غلطانين وتبقى مجرد نكته ويحصل عكس توقعاتنا وتوقعات الشعب كله,شرفنى مرورك

fafy يقول...

منمونه لا طبعا انا ماقلتش انك نادله دا أنا بهزر معاكى انا بجد والله ماشفت اللى انتى كتبتيه
وبخصوص تعليقى يا ستى اكتب لك غيره لكن انا مسحته لأنى عملت للبوست تشير على الفيس بوك من كتر ماعجبنى وحسيت ان تعليقى مبين إنى بتألم وأنا مش هاحب لو حد شافه يحس كده اكيد انتى فهمانى وعموما المهم انك شفتيه وشرفنى مرورك

bastokka طهقانة يقول...

بعد تحليقة سريعة في مدونتك الرشيقة استمتعت خلالها بالموسيقى الرقيقة المنتقاه بعناية
و المواضيع المتنوعة الراقية بفكرتها و صياغتها
احييكي
و اتمنى لك مزيد من الازدهار و ان نرى مدونتك في الاسواق قريبا في كتاب رائع مثلك تماما
محبتي
و اوروفوار

fafy يقول...

مبسوطه اوى انها عجبتك واتمنى مش تكونى بتجاملينى وياريت تتابعينى وميرسى على اهتمامك

إرسال تعليق

fafy music