جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

27‏/09‏/2011

رحلتى مع العلاج النفسى(1)




فى العلاج النفسى قواعد صارمه جدا ضرورى تتبع وأى خطأ يحدث أثناء فترة العلاج أو أى إخلال بهذه القواعد  من الممكن أن يؤثر سلبا على سير عملية العلاج بأكملها لذلك  يجب التعامل مع المريض بحذر شديد (بالقلم والمسطره)

مثلا يجب ان تكون العياده هادئه و مريحه للأعصاب إلى حد كبير ولا يجب ان نترك المريض ينتظر طويلا فى غرفة الاستقبال حتى لا يشعر بالملل ويدخل الى المعالج وهو متوتر او شاعر بالضيق ويترتب على ذلك إحجامه عن الإدلاء بمكنونات نفسه أمام المعالج.

عدم دخول أى شخص للغرفه لحين الإنتهاء من العلاج وذلك لضمان عدم شعور المريض بالتوتر أو الضيق  بسبب قطع أفكاره أو الخوف من إستراق السمع من الشخص الأخر.

عدم وضع اى ملصقات او لوحات تعكس عقيدة المعالج  بمعنى وضع أيات من القراءن الكريم أو حتى  مقتطفات من الإنجيل أو صليب أو ماشابه وذلك لان المعالج لن يختار عقيدة مرضاه
بالبلدى .
(مش هاينقى يعالج مين ومش هايعالج مين)
 فمن الممكن ان يدخل للمعالج مريض مسلم او مسيحى اوحتى ملحد والنتيجه واحده وهى ايضا شعور المريض بعدم الراحه والقلق تجاه المعالج وخصوصا إذا كانت المشكله التى يزور المعالج بصددها لها علاقه بالدين

عدم تعليق أى صور شخصيه على الحائط او على مكتب المعالج تعبر عن حياة المعالج الشخصيه لأن هذا سوف يثير فضول المريض فى بناء تصور معين عن المعالج وحياته الشخصيه وعدم التركيز فى مايريد ان يدلى به للمعالج ثم وضع صور عائليه مثلا على مكتب المعالج  من الممكن ان تعطى إيحاء للمريض بأن المعالج سعيد فى حياته الأسريه  ويا حبذا لو ان المريض جاء للعياده مخصوص بسبب تعاسته فى حياته الاسريه فمن المؤكد انه سيطرح مشاعر سلبيه على المعالج ويحجم عن الادلاء بمكنونات نفسه وفى كل هذه الحالات المعالج هو الخاسر الوحيد لانه لن يحصل على المعلومات الكافيه من المريض والتى سوف تدعم العلاج بشكل إيجابى وطبعا دى مجموعة فنيات من ضمن مجموعه أكبر بكتيير  
يتبع ....

6 مستعده أن أضحي بنفسي من أجل حقك في أن تقول رأيك ".:

sabry abo-omar يقول...

ده المفروض ، وفرق كبير طبعا بين الصح وبين الواقع اللى بنشوفه..

غير معرف يقول...

بصراحة وبدون ان أقصد اهانة لشخصك أود ان أنصحك ان تعالجى نفسك أولا من النرجسية والبارانويا المتغلغلة فى شخصيتك والتى انعكست آثارها بصورة واضحة فى كتاباتك وخصوصا فى النبذة الشخصية لملف التعريف فضلا عن البوستات ..
وعلاجك الوحيد العملى والناجح والناجح والسهل والبسيط لذلك الامر هو ان :
تتقربى الى الله وتطلبى منه ان يرزقك الاخلاص فى القول والعمل دائما وأبدا .
اللهم ارزقنا واياك الاخلاص فى القول والعمل
اللهم آمين ..
والسلام عليكم .
latnsallah@w.cn

فافى يقول...

يا استاذ غير معرف:
كلامك خلانى ادخل على ملف التعريف بتاعى واعيد النظر فى بوستاتى عشان اعرف اى جزء بالظبط خلاك تقول كده عليا :) طبعا مش قلة ثقه فى نفسى ولكن مستغربه وليس اكثر
وبالرغم من ان نرجسيتى تحتم عليا انى ماعرضشى نقدك ليا او حتى استعنى ارد عليه لكن هارد لانى ماتعودتش اهرب تحت اسم الغير معرف ههههههههه عشان ادخل اشتم خلق الله ومايعرفونيش عشان يردوا عليا وبالرغم من انى ماتعودتش اشتم شبح لكن لو قريت ملف التعريف هتلاقينى بقول على نفسى حتة بت لاراحت ولا جت كل ده ونرجسيه ؟؟؟!
ثم انت بتتكلم على بوستاتى وكأنى كاتبه بوستاتى كلها تحت اسم فافى(1) وفافى(2) وفافى(3) هههههههه وكلهم بيتكلموا عنى
لاحول ولا قوة الا بالله وايه ارجعى الى الله دى هو انا ملحده ؟؟ولا البيه اخوان ؟؟ ولاانتى بت غلاويه خيالها المريض صورلها انها هاتضايقنى بكلامها الخايب ده؟
عموما (اللهم ارزقنا واياك الاخلاص فى القول والعمل والفعل ) دى الحاجه الوحيده اللى قلتها عدله فى الليله دى

فافى يقول...

يا استاذ غير معرف:
كلامك خلانى ادخل على ملف التعريف بتاعى واعيد النظر فى بوستاتى عشان اعرف اى جزء بالظبط خلاك تقول كده عليا :) طبعا مش قلة ثقه فى نفسى ولكن مستغربه وليس اكثر
وبالرغم من ان نرجسيتى تحتم عليا انى ماعرضشى نقدك ليا او حتى استعنى ارد عليه لكن هارد لانى ماتعودتش اهرب تحت اسم الغير معرف ههههههههه عشان ادخل اشتم خلق الله ومايعرفونيش عشان يردوا عليا وبالرغم من انى ماتعودتش اشتم شبح لكن لو قريت ملف التعريف هتلاقينى بقول على نفسى حتة بت لاراحت ولا جت كل ده ونرجسيه ؟؟؟!
ثم انت بتتكلم على بوستاتى وكأنى كاتبه بوستاتى كلها تحت اسم فافى(1) وفافى(2) وفافى(3) هههههههه وكلهم بيتكلموا عنى
لاحول ولا قوة الا بالله وايه ارجعى الى الله دى هو انا ملحده ؟؟ولا البيه اخوان ؟؟ ولاانتى بت غلاويه خيالها المريض صورلها انها هاتضايقنى بكلامها الخايب ده؟
عموما (اللهم ارزقنا واياك الاخلاص فى القول والعمل والفعل ) دى الحاجه الوحيده اللى قلتها عدله فى الليله دى

غير معرف يقول...

الاخت المحترمة /فافى
السلام عليكم
أولا أحب أشكرك على تواصلك الطيب وردك على الكومنت بتاعى وكنت أتمنى انك متزعليش ويكون ردك حاد بالشكل ده .. وخصوصا انك أخصائية نفسية ..
ولكن انا هلتمس ليكى العذر وهوضحلك سبب تعليقى على البوست بتاعك :
أولا يا ستى انتى كاتبة فى ملف التعريف بتاعك نبذة من جزئين تحتوى على تناقض واضح وصريح لكل جزء مع الآخر وده اقتباس من كلامك ""حتة بنت لا راحت ولا جت بس تعرف حاجات كتير ,ماتفتكرشى إنك عرفتنى اللى فى المدونه واحد على عشره من شخصيتى ماخفى كان أعظم(:""
انتهى تعريفك المبسط لنفسك .
مش كده ؟!
طيب ازاى انتى حتة بت لا رحتى ولا جيتى وازاى بتقولى ان ده واحد على عشرة من شخصيتك الخ ؟؟!!
يعنى انتى فى الاول بتمدحى نفسك وبعد كده يتقولى ان ده يا دوبك جزء صغنن من شخصيتى اللى متعرفوهاش ؟؟!!
ولا انتى يتذمى فى نفسك وبتقولى برضو ان ده جزء صغير من المساوىء بتاعتى اللى متعرفوهاش ؟؟!!
مهو يا كده يا كده ولا انتى ليكى رأى تانى ؟؟!!
عموما اى من الاختيارين يدل على النرجسية والبارانويا .. وعلى فكرة انتى لما رديتى عليا مكتبتيش ليه باقى النبذة عن شخصيتك وكتبتى نصها بس ؟؟!!!
ثانيا : الاسم المستعار بتاعك فى المدونه كفيل بتوضيح جانب من شخصيتك يا أخت "" فافى ""
ثالثا : ردك على تعليقى ده مش مبرر لعدم وجود النرجسية والبارانويا بل على العكس ربما يدل على تأصل الداء اكثر وخصوصا المزاج العصبى والحدة فى الرد وكثرة التحدث بكلمة "" أنا "" وده واضح جدا فى ردودك ..
رابعا : مش عارف ليه بتحرفى كلامى وتقولى انى بقولك " ارجعى " الى الله مع انى بقول " تتقربى " ليه بتغيرى فى الكلام ؟؟!!.
أعتقد انك عاوزة تنتصرى لنفسك بأى شكل وكأننا فى معركة وليس نصيحة أخوية وعموما ده من تأثير " البارانويا "
خامسا : هو فى حد اتهمك بالالحاد والعياذ بالله ؟!! ليه هو اللى بيقول لواحد اتقرب الى الله يبقى بيتهمو بالالحاد ؟؟!!! ولا هما بس الملاحدة اللى بيقولولهم الكلمة دى ؟!!
استغفرى الله يا شيخة وحرام عليكى الاتهام ده . ومتخليش البارانويا تدخلك متاهات لمجرد كسب معركة وهمية .. وخصوصا نك اخصائية نفسية !!
سادسا : ايه موضوع اخوان ده اللى بتقوليه ؟؟
أولا لا أنا اخوان ولا اخوات ولا اتبع اى حزب ولا جهة وانا زيك بالظبط حتة ولد لا راح ولا جه ومش عارف يتجيبى الكلام ده منين !!!
ومع ذلك ايه مشكلة ان حد يكلمك أو ينصحك تقولى عليه ده اخوان وده مش عارف ايه !!
الانسان يتقبل النصيحة من اى حد حتى لو كان عدوه او حتى الشيطان نفسو !!
ليه تصنيف الناس والعنصرية دى ؟؟
المفروض الانسان يشوف الكلام صح ولا لأ ويرد على الكلام فى صلب الموضوع مش يحدد الرد على حسب نوعية الناس اللى بتقولو .. وخصوصا انك أخصائية نفسية !!!

سابعا : يا ريت تراجعى ردك كويس وكمان طريقتك فى الرد وهتتأكدى ساعتها ان الكلام بتاعى كلو عدل مش آخر كلمة بس هى اللى عدله فيه ..
ثامنا .: انا مش مجهول ولا غير معروف ومش عارف ايه اللى مطلوب منى علشان أثبت غير كده !!
سواء سميت نفسى بمجهول او اى اسم مستعار ففى الواقع انا مجهول برضو وحتى انتى مجهولة تحت ستار اسمك المستعار ..
فهل مطلوب منى انى اصور البطاقة بتاعتى وابعتها بالفاكس علشان تتأكدى من انى مش مجهول وحتى لو عملت كده هفضل مجهول ما دام الكلام مش مباشر وجها لوجه .. واعتقد ان الشبكة كلها مجرد عالم افتراضى مش أنا بس علشان متبقاش حجة لعدم الرد ..
أخيرا : أنا منتظر ردك على الرسالة دى اللى هتبين فعلا انك ديمقراطية وانك بتردى على اللى بيخالفك الرأى مهما كان ولا تنسى ""** مستعده أن أضحي بنفسي من أجل حقك في أن تقول رأيك ""***


ملحوظة : أنا كنت كاتب الايميل بتاعى علشان مبقاش مجهول وعلشان متحاربيش طواحين الهوا ولو فيه شىء تانى يوضح الشخصية اكتر من كده وتعرفيه فيا ريت تقوليلى عليه وابقى شاكر جدا ..
بانتظار ردك
والاختلاف فى الرأى لا يفسد للود قضية ..
وخصوصا انك اخصائية نفسية
مع خالص تحياتى ..



latnsallah@w.cn

فافى يقول...

الاخ العزيز( الغير معرف) وعليكم السلام ورحمة الله وبركاته اشكرك على تعليقك العنيف حبتين :

اولا:واخده بالى اوى من (تكرار جملة انتى اخصائيه نفسيه) وكأن الاخصائيه النفسيه دى مش بنى ادمه او المفروض انها يكون فيها جميع مميزات البشر وعيوبهم من عصبيه وغيره الا اذا كنت بتعتبر نفسك حاله بقى والمفروض انى اعالجك وعشان كده لازم اتكلم معاك زى المرضى
ماعلينا نتكلم فى المهم بقى
اولا ملف التعريف بتاعى اتكتب على مرحلتين
الاول :الجمله التانيه ودى سببها انى دايما مش بحب مشاعرى واحاسيسى تكون مكشوفه للبشر وبحب انى اكون عندى مساحه من الخصوصيه والغموض احيانا واعتقد ان ده من حقى ولما اكتب مدونه زى دى ماكنتش عايزه اللى يقراها يتخيل انه عرفنى تماما لان ده كان بيزعجنى جدا وخصوصا ان كان فى ناس بتدخل على المدونه مخصوص عشان (تقرانى )ودى على فكره مش هلاوس هههههه ده إتقال لى فعلا

اما فيما يخص الجمله الاولى اطريت انى اضيفها عشان الاساتذه اللى زى حضرتك كده اللى بيدوروا على العيوب بس لما يدخلوا يقروا ويفتكروا انى( بتفزلك )اعرفهم انى مش بددعى شىء ولكن عايزه اقول بالبلدى (يوضع سره فى اضعف خلقه )وزى ما قلت فى مقدمة المدونه اللى سيادتك ( تجاهلتها تماما )لانك ركزت على السلبيات بس (انى مؤمنه انك مممكن تقرأ حرف ويكون مؤثر جدا بالنسبه لك ويغير مجرى حياتك) وده غرضى ان الكل يستفيد ,اظن انا كده وفيت الجزء ده
ثانيا بقى :الاسم المستعار اللى استفزك اوى ده مش اسم مستعار ده اسم الدلع بتاعى اللى اهلى بينادونى بيه ولو كنت اخدت بالك من اللينك كنت هتلاقى (وفاء شلبى)بس برضه للاسف ماخدتش بالك لانك كنت برضه مركز على السلبيات
ثالثا : مافيش داعى للكلام الغريب بتاع اصورلك البطاقه والكلام ده لان المفروض الناس تعرف نفسها وتقول اسمها او وظيفتها وهى مين وطالما انا معرفه نفسى يبقى مش من العدل انى اكلم واحد مستخبى تحت اسم (الغير معرف) طب يا سيدى على الاقل اعرف اناديك بإيه زى ما انت بتنادينى بفافى مش كده ولا ايه ؟؟؟!!!ولا انت مش عايز حتى تدينى الحق ده كمان

رابعا :ايه حكاية بارنويا بارانويا دى هههههههههه هو حضرتك طبيب نفسى وبتشخصنى؟؟ يبقى يا مرحب يا مرحب بالاخ الزومل واحترم تشخيصك وان شاء الله استشير اخصائى فى الموضوع ده
انما بقى لو مش طبيب يبقى اسمحلى بقى بتفتى فى اللى مالكشى فيه وكلمة بارانويا اللى عمال ترددها طول الوقت دى هى فى الواقع طريقه ساذجه جدا جدا جدا لاستفزازى
خامسا : تقدر تحدد لى حضرتك البوستات اللى ادتك الاحساس انى بارانويه ونتناقش فيها احسن ؟؟



سادسا:ايه حكاية تقربى الى الله تقربى الى الله هو انت عارفنى منين عشان تجزم انى بعيده عن ربنا ؟؟ علاقتى بربنا لا تخصك وانا ادرى الناس بيها

سابعا : انا مانشرتش التعليق عشان اثبت لك انى ديمقراطيه العب غيرها هههههه انا ثبتت انى ديمقراطيه لما نشرت اول تعليق ليك ومش مضطره اثبت انى ديمقراطيه ولو عايز تضيف انى ديكتاتوريه لقائمه مميزاتى كالبارنويا والبعد عن الله سبحانه وتعالى انا ماعنديش مانع



ثامناواخيرا :بما انك بتتكلم بالعقل والمنطق يبقى انت معايا اكيد انك ماكنتش عادل فى حكمك لان المفروض ان اللى يحكم على حاجه يكملها لحد الاخر واعتقد ان حضرتك مش ممكن تكون قريت المدونه كلها بين عشيه وضحاها وعشان كده انا اسفه اوى لن التفت لنقدك نهائى نهائى نهائى لانه غير مبنى على اسس سليمه وليس بناء ولكنه نقد من اجل النقد
وعلى كل حال (بقدر قيمتك يكون النقد الموجه اليك )ديل كارنيجى اكتبها يمكن تنفعك شفت انا بحب الناس تستفيد ازاى؟؟
على فكره (مستعده أن أضحي بنفسي من أجل حقك في أن تقول رأيك )فولتير اللى بيقول كده مش انا :)

إرسال تعليق

fafy music