جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

02‏/01‏/2012

تحرير ولا عباسيه (4)







عشان أخلص سلسلة تحرير ولا عباسيه على خير ونفوق بقى للثوره التانيه
قررت أكتب بوست أدون فى حاجتين مهمين جدا وده لنفسى أكتر من للقراءه
هى حكايه حصلت لى من 8 شهور قبل الثوره وهاتوضح أنا ليه بشك فى بعض افراد 6 إبريل؟؟


كلنا كنا بنحلم بإن يبقى فى ثوره على الفساد ودايما كنا بنتمنى ده
إنما ماحدش كان يعرف قبل الثوره ب8 شهور إن هاتقوم ثوره
ولو كان حد قال كده كانت الناس هاتقول عليه مجنون أو بيهلوس
لكن الغريبه ان كان فى صديق ليا كان يعرف إن هاتقوم ثوره فى مصر
وقالى الكلام ده قبل الثوره ب8 شهور 
إزااااااااااااااااااااى مش عارفه 
الغريبه إن الشخص ده قال لى كمان إن ملف قتل السادات هايتفتح و(هايطلع) إن مبارك اللى قتل السادات!!!!
وطبعا أنا ساعة ما سمعت الكلام ده ماعلقتش وإفتكرته بيتمنى زى أى حد إن تقوم ثوره فى مصر ولم اهتم بكلامه
ولكن بعد 8 شهور قامت فعلا الثوره مع العلم إن لحد موقعة الجمل ماكنشى إسمها ثوره كانت مجرد مظاهره أو وقفه إحتجاجيه ضد الشرطه وفى عيدهم عشان قتل وتعذيب خالد سعيد واللى زيه 
وكل الدعوات اللى كانت بتتعمل ليها على الفيس ماكنشى بتتعمل على إنها ثوره ولكن بعد ما مبارك خطب خطاباته المشهوره وبعد موقعة الجمل ومابعدها 
ساعتها الناس كلها إتوحدت على مطلب واحد وهو إسقاط النظام وبعدين لما نجحت بقت ثوره
وبعدين بعدها بمده إتفتح ملف قتل السادات وساعتها بس حسيت إن صديقى ده ماكنشى بيقول كلام فى الهوا ولكنه( ممنهج) وخصوصا إنه قالى إنه يعرف إسراء عبد الفتاح (6 ابريل) معرفه قويه ومعاه رقم تليفونها وده كان غريب لإن اسراء من بنها وهو من اسكندريه
ولما سألته يعرفها منين مارضيش يقول
واللى شككنى فيه أكتر إنه كان دايما بيسافر سفريات سريه 
صحيح المعلومات اللى قالها  جايز تكون كانت قليله لكن لما ربطتها ببعض حسيت إنها مش إعتباطيه كمان  اللى لاحظته على الفيس إن طريقة الحشد للناس كانت غريبه جدا الشباب اللى كانوا  فى الميدان وعلى الفيس وبيحفزوا الناس عشان تنزل معاهم 
كنت بحس إنهم مبرمجين أو حافظين الكلام ولما كان حد من بتوع
(منكم لله خربتوا البلد ) بيتخانق معاهم أو يقولهم إرجعوا كفايه كده 
ماكنوش بيضيعوا وقت فى الرد عليه ولكن بيكرروا نفس الكلام ولا يلتفتوا إليه وكأنهم حد مدربهم على انهم لا  يلتفتوا لاى حد يرجعهم عن اللى فى دماغهم وكأنهم مدربين على الكلام ده أو متنومين مغنطيسيا مثلا , 
واللى أكد لى الكلام ده الفيديو ده



كل حاجه بتعزف نفس اللحن وبتصب فى 6 إبريل 
وخصوصا إنى مش هاصدق إن ممكن المنظمات دى تدفع فلوس لله من غير أى غرض وخصوصا انى برضه مش قادره اقتنع ان كل الثورات دى قامت فى العالم بالترتيب ده صدفه !!!!


ومش هاكدب عليكوا برضه مش داخل دماغى ان الجيش والمخابرات بتوعنا نايمين فى العسل 
طب لو عارفين ليه مطنشينهم ولو مش ماسكين حاجه عليهم طب ليه بيتهموهم ؟؟

  1. الحاجه التانيه بقى هى مايسمى بشبكة رصد ودى صفحه موجوده على النت وكانت بتحاول تسخن الناس وقت الثوره بطريقه غريبه والغريب انهم كانوا بيكدبوا عشان يضمنوا ان الناس تنزل الميدان وبيقولوا اخبار غير صحيحه زى انهم قالوا مره ان الجيش بيعمل عمليات تصفيه فى الميدان وبيضرب الناس بين عينيهم فى الوقت اللى ماكنشى ده حقيقى والاعلام كله بجميع توجهاته ماحدش خالص قال كده وانا بنفسى حذرت ناس كتير منها وطلبت منهم يعملوا unlike للصفحه ولا يثقوا فيه اخبارها ده غير ان الصفحه دى وواحده من صفحات خالد سعيد لانهم (اتنين مش واحده) كانوا بينزلوا بوستات وقت النت ماكانت مقطوعه فى مصر !!!!
     



الخلاصه : مش بقول ان الثوره مموله من الخارج عشان انا عارفه الافتكاسات والتعليقات المستفزه
ومش بقول ان الثوره كلها عملاء  أنا متأكده إن الثوره قامت بجميع طوائف الشعب وربنا يرحم شهداءها
ولكن مما لاشك فيه ان 6 ابريل شابهه سمعة الثوره وخصوصا انهم دايما حواليهم علامات استفهام ؟

4 مستعده أن أضحي بنفسي من أجل حقك في أن تقول رأيك ".:

Hesham يقول...

عندما تفشل الأنظمة الحاكمة فى تحقيق أهدافها تكون الحاجة الى التغيير واضحة ولكن وكما وأن الفشل يقتضى التغيير فإن النجاح أيضاً يقتضى التغيير ، ذلك أن النجاح يولد ظروفاً جديدة وهذا الظروف تقتضى مؤسسات مختلفة وإجراءات تشغيل مختلفة إذا ماأريد للنجاح أن يستمر "
" ليندون جونسون – الرئيس الـ36 للولايات المتحدة الأمريكية "
دى كلمات رئيس امريكا الاسبق ولهذا قد يكون الحق معكى فى الشك ولكن التغيير كان قادما قادما اما بانقلاب عسكرى يقودة الجيش فى سبتمبر 2011 ضد التوريث او ان المخابرات علمت شيئا ونركته يحدث بمبدئ المعكوس " بيد عمرو لابيدى "
فى أحداث ثورة يوليو 1952 كان السادات رجل الضباط الأحرار لدى القصر اى انه كان يعلم ان هناك تنظيم فى الجيش ورغم صلته بالقصر لم يخبرهم بما يكنه تنظيم الاحرار - هناك مثل قائل لاجديد تحت الشمس ولكن فى النهاية الحياه ماهى الا دراما من 36 تيمه درامية لاتتغير السؤال الذى يطرح نفسه بالطبع هل لو ان الجيش مع مبارك الم يكن يستطيع فض الثورة ؟؟؟ راى انه كان يستطيع وبسهوله ولم يفعلها السؤال الثانى طيب طالما الجيش انقلب على مبارك لماذا لايحاكمه محاكمة جادة ؟؟؟؟ كلها تساؤلات ولكن فى النهاية لم يكن احد يتوقع ان يستمر سيناريو الثبات الى الأبد كان لابد من التغيير

فافى يقول...

استاذ هشام :السؤالين اللى سألتهم بالنهايه اجابتهم بتاكد اعتقادى انه كان انقلاب متفق عليه بين الطرفين بمعنى ان الريس يمشى وفى نفس الوقت يأمن على نفسه وولاده وفلوسه وده اللى بيحصل دلوقتى :)
الريس نفذ الجزء الخاص به والمشير بينفذ دلوقتى الجزء الخاص به

Hesham يقول...

ان حضرت غدا ان شاء الله فى موعد المقابلة ساقول لكى راى فى هذا لاتفاق بناء على ماكتيبتيه انتى بنفسك فى هذا المقال

فافى يقول...

m.hesham
waiting 4 u :)

إرسال تعليق

fafy music