جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

21‏/04‏/2012

هلاوس ليليه 5



قلتها ولازالت بقولها الجواز مالوش مقاييس اطلاقا 
يعنى اذا كان لكل قاعده شواذ فايبقى الجواز هو مجموعة الشواذ دى وليس القاعده صعب اوى نقول لو عملنا كده او فكرنا كده يبقى اكيد هنختار صح 
وكمان مش منطقى نفضل ندى رأينا فى حياة غيرنا طول الوقت
 ونقول هو اللى غلطان او هى اللى غلطانه لانى مؤمنه بإن الباب المقفول على هى وهو دول صعب نعرف وراه ايه او تحكم مين غلطان ومين لأ  
 ولكن اللى متأكده منه جدا ان مش مشكله ابدا واحنا بنختار نختار على اساس مستوى اجتماعى جيد او مستوى مادى جيد او حتى نختار على اساس الحب ومش مشكله ابدا تلاقى واحد حلو متجوز واحده مش حلوه خالص او واحده حلوه متجوزه راجل معاق مثلا 
او نقول بثقه  انه طالما الاتنين دول بيحبوا بعض يبقوا اكيد هاتكون حياتهم سعيده وبعدين نستغرب لما نلاقيهم انفصلوا
 او نجزم بإن فى جوازه معينه اكيد هاتفشل لمجرد إن الست مثلا أكبر سنا من الرجل
 للأسف فى الجواز مافيش ضمانات لأى حاجه وفى الأخر اللى بيحقق السعاده فى الجواز هو نفس الشىء اللى بيحقق السعاده فى أى حاجه تانيه هو
( الرضا ) 
تلك الكلمه السحريه اللى لو دلت على شىء تدل على منتهى السكينه
 وهو ده الشىء اللى بيخلى الرجل الحلو مبسوط وهو متجوز واحده مش حلوه وكمان شايفها أحلى ست فى الدنيا 
وهو اللى بيخلى البنت الحلوه مش حاسه بنقص وهى ماشيه جنب الرجل المعاق وشايفاه كامل الرجوله 
 وهو اللى بيخلى المطلقه تبدأ حياتها من جديد 
وبيخلى الأرمله ماتتجوزشى بعد موت جوزها وتفضل تربى ولادها حتى ولو سنها صغير
 وهو اللى بيخلى البنت اللى إتأخرت فى الجواز (وما أكثرهن الأن) تعيش حياتها فى سكينه وطمأنينه على اعتبار ان قعادة الخزانه ولا جواز الندامه وهى مقتعه ان وضعها كده احسن بكتير
عشان كده أهم حاجه مش إننا نحب أو نتجوز بتفكير أو إحساس ولكن 
 إننا نكون راضيين ولكن الرضا ده شىء مش بكتسبه من الحياه ويصبح عاده للأسف ولكن لازم يكون موجود أصلا جوانا ومانبذلشى مجهود فى الحصول عليه وعشان كده 
يا بخت الراضيين

4 مستعده أن أضحي بنفسي من أجل حقك في أن تقول رأيك ".:

رشا فرج يقول...

صح انتي جبتي المفيد يا قمر. اللهم رضنا و ارضى عنا أجمعين

رشا فرج

P A S H A يقول...

كلام جميل وكلام معقول ما أقدرش أقول حاجة عنه
:))

شمس النهار يقول...

ربنا بيخلقنا راضين
بحس الصفات في الانسان مالوش يد فيها

غير معرف يقول...

طبعا الرضا نعمة من ربنا ويارب يرزقنا الرضا على كل حال ولكن اعتقد العلاقات الانسانية مثل الزواج
بتحكمها حاجات اخرى وطبعا مش حتكمل السعادة باى حال من الاحوال الا اذا كان فى رضا بس مثلا الزوجه المتزوجة من معاق اكيد اولا فى حاجات ربطتها بهذا الرجل وكملتها بالرضا ....

إرسال تعليق

fafy music