جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

26‏/04‏/2012

سنحيا كدابين



عجبا لفضيلة الشيخ اللى راح وجه وإتطلع وشجب
 ولهث على كرسى الرئاسه بما فيه الكفايه 
والغريبه إنه عارف ومتأكد إنه أمه رحمها الله أمريكيه 
 طب نعملك ايه تانى يعنى ؟؟
فى حد يقول (أعتقد) إنها مش أمريكيه ؟؟؟
ماهى أعتقد دى معناها انك كداب
 هو من المفترض ان أى شخص مايعرفشى جنسية أمه ايه ؟؟؟

أو مثلا لو كانت طلبت الجنسيه فعلا وهى مريضه عشان تتعالج فى امريكا مش المفروض ان ابنها زى ماهايكون عنده فكره عن مرضها يبقى برضه عنده خبره بالأحداث اللى حصلت أثناء مرضها ؟
 بما فيهم الحصول على الجنسيه ؟؟؟ 
  وثانى كدبه بعد ما إتأكد إنها أمريكيه وقال 
(اصلى ماكنتش اعرف انها امريكيه)!!!!
  يبقى لو فرضنا انه مايعرفشى يبقى ابن عاق ومايعرفشى حاجه عنها

 هو مش الكدب حرام برضه يا فضيلة الشيخ زى المكياج اللى هاتحطه على رأس إهتماماتك لما تبقى الريس وتمنعه على اعتبار ان مشاكلنا الاقتصاديه خلصت وبقينا فى رفاهيه ؟
وانصاره عمرهم سألوا نفسهم هو شيخنا كداب أو لأ قبل مايدعموه؟؟
ولا حضروا العفريت ومش عارفين يصرفوه
 يعنى بعد مافضيلة الشيخ ايقظ الفتنه وسخن الناس وماهمهوش مصلحة البلد والامتثال للقانون الترشح وعاش فى نظرية المؤامره الوهميه عليه
 طلع كدااااااااااااااااب
 وانصاره عرفوا انه كداب 


ساعات بيتهيألى إنهم مش عارفين يتراجعوا عن دعمه ازاى
 فا النتيجه انهم مكملين عشان مايبقاش شكلهم وحش :)
مش دول بتوع قال الله وقال الرسول ؟ 
مش السلفيين اكتر ناس بيتبعوا سنة نبينا محمد عليه الصلاة والسلام انا بقى عمرى ماسمعت ان نبى الله محمد كان بيكدب أو بيلهث وراء كرسى رئاسه او عمل عملية تجميل فى مناخيره ؟؟
ثم يقصد بإيه إن دى مؤامره مدبره ضده ؟؟
على اساس ان المتأمرين دول هما اللى اقنعوا أمه من 8 سنين تاخد الجنسيه الأمريكيه عشان كانوا بيشموا على ضهر إيديهم إنه هاييجى يوم أسود والشيخ يرشح نفسه ؟؟؟؟

عرفتوا ليه مش عايزين ندخل الدين فى السياسه ؟ ولا لسه ؟
أفيقوا يرحمكم الله يا من تحملون شعار الدين ولا تتبعون تعاليمه





4 مستعده أن أضحي بنفسي من أجل حقك في أن تقول رأيك ".:

ابراهيم رزق يقول...

قل لى من انت
اقول لك هل تصلح

سائق توك ثم ميكروباص و اطلق لحيته و اصبح شيخا بعد ان قرأ كتاب ابت تيميه
ماذا ننتظر منه
ننتظر منه عملية تجميل مناخيره و كذبه
انه البلكيمى

نعود لشيخناالجليل
اولا نحن لا نحتاج لشيخ جليل للرئاسة
نحتاج لرئيس نطلع عينه وعين اهله

محامى فاشل لم نسمع عنه كمحامى اصبح شيخ بفتاوى من عينة جوز الطيب
كذاب و منافق

ماذا ننتظ من المغيبين الذين لا يحاولوا حتى التفكير

سنحيا مغفلين

تحياتى

حنعيش يعنى حنعيش يقول...

من علمى المحدود جدا جدا يدى على بارانويا ...ارجو تصحيح او تاكيد المعلومة

فافى يقول...

حنعيش يعنى حنعيش :

لا مش بارنويا ده مرض جديد اسمه هوس الكرسى
ياتدينى الكرسى ياولعلكم فى البلد :)

Amgad Abdallah يقول...

حازم صلاح ابو اسماعيل هايروح من ربنا فين بسبب فتنتة اللى عملها فى العباسية والناس اللى ماتت فيها
هاايموت على الحكم ويبقى ريس ودة عشم ابليس فى الجنة
لازم حازم والا البلد ها تخرب
فى ناس بتقول ان امة مش امريكية وان امريكا زورت وثائق تثبت ان امة امريكية علشان ما يوصلش للحكم ودة لية ؟
لأن امريكا خايفة ان حازم صلاح ابو اسماعيل يمسك البلد ويبقى ريس علشان هو اللى مفيش غيرة ولا بدالة وهو المخلص الى مصر منتظراه وهو حامى حمى الديار والبطل اللى ما فيش منة اتنين
والعباسية تشهد

إرسال تعليق

fafy music