جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

09‏/01‏/2013

بنت الشاطر



يبهرونا الإخوان ومايتبعهم من خرفان دائما بكل ماهو لوذعى ومتفرد 
بالأمس كتبت خديجة الشاطر بوست فى حسابها على الفيس بوك الأتى :
(من عجائب الأقدار أن ترى الجو فى أعياد النصارى كل عام يتقلب ويثور، وترتعد السماء وتمطر,الكون كله يثور متبرئاً مما زعموه على إلهنا، ولظلم وبهتان ما ادعوا كذبا على حبيبنا المسيح عيسى, وترى الشمس فى أعياد المسلمين تشرق لو جاء العيد فى الشتاء، ويهدأ لهيبها لو كان الجو صيفاً، فيأتى عيد المسلمين فى كون مشرق جميل
  أما يكفينا ذلك دليلاً على أن الإسلام هو الدين الحق، وأن خالقنا الله هو القادر على كل شىء وأنه جميل، أيا من ألهتم عيسى وهو منكم برىء وألحقتم بالإله ما ليس فيه! لما لا تسألوا آلهكم أن يسّرى عنكم بجو جميل فى عيدكم".)

ثم فاقت خديجه من غيبوبتها بعد ماهاجت الناس وماجت وأعلنت أن حسابها (إتهاك) عليه وإنه مسروق وإنها لم تذدرى الدين المسيحى نهائيا 
وكان لابد من دخولى على حسابها الخاص لكى أتأكد من هذه المعلومات بدلا من السماع لكل من هب ودب 
أولا : أنت كذابه محترفه يا أخت خديجه لعدة أسباب :
1- ان اللى يدخل على حسابك عشان يسرقه اكيد حد مش بيحبك وفى نيته يكتب كلام على لسانك وينسب الكلام ده لكى عشان يبقى شكلك وحش قدام الناس يبقى لما اتفضحتى الشخص ده وصل للى هو عايزه
 يبقى ليه بقى يمسح البوست طالما كان فيه ضرر ليكى ؟ 
هل صعبتى عليه فجأه مثلا ؟ 

2- هل الشخص ده متدين وبيتقى الله لدرجة انه يكتب لك دعاء الريح بعدها بشويه ؟
 طب لو متدين فعلا كان بيهاك على بروفايلك ليه اصلا ودى سرقه وتجسس؟
 المفروض انه يكمل ايذاء ويكتب حاجات على شاكلة البوست ده ؟

3- لو كان الشخص ده هو اللى كتب الكلام ده والناس اشادت به زى ماهو موجود فى البوست اللى اتمسح وعملت لايك وكتبت تعليقات ايجابيه 
يبقى الشخص ده قدامه حاجه من الاتنين 
يرد بقلة ادب عشان يضرك اكتر 
او مايردش خالص
 انما يرد على الناس ويقولهم (بارك الله فيكم) ؟!!!!1 :) 
وده معناه ان الاخت خديجه كدابه وهى اللى كتبت البوست فعلا بنفسها ولما الناس نقدتها سارعت بإنها تمسح البوست 

ولذلك أحب أوجه عدة أسئله للأخت خديجه :

 لما انتى شايفه انك على حق وان اللى قلتيه يثبت ان الاسلام دين حق والناس صقفتلك وانتى واثقه من اللى قلتيه يبقى مسحتى البوست ليه بعد كده ؟ 
ها ؟whyyyyyy

 عندك فكره ان فى ايه فى القرءان بتقول :

(لَكُمْ دِينُكُمْ وَلِيَ دِينِ (الكافرون 6)

؟
 ولا انتى مش حافظه قرءان؟

 عندك فكره ان المسيحيين بيتشائموا لما الدنيا مش بتمطر فى عيدهم؟
 وبيفرحوا أوى أن عيدهم بييجى فى الجو ده؟

  عندك فكره ان رمضان ساعات بييجى فى جو مهبب واحنا صايمين ومفرهدين من العطش ؟
يبقى ربنا غضبان علينا برضه؟

عندك فكره ان اعيادنا بتلف على شهور السنه وساعات بتييجى فى اجواء مايعلم بيها الا ربنا ؟
هل هو غضب من ربنا ؟

 عندك فكره ان الكدب حرام؟

 عندك فكره ان ده يسمى ازدراء أديان؟

طب لو اللى قلتيه نوع من انواع العته
 البهايم اللى عملولك لايك وكومنت ايجابى وقلتلهم (بارك الله فيكم) 
عملوه على اساس ايه ؟ 
شغلوا مخهم وحاولوا يفكروا فى اللى قلتيه اذا كان منطقى  أو لأ؟
 ولا برضه مااااااااااااااااااااااااااااااااااااااااااااااء؟

أخيرا بقى البهايم اللى بيدافعوا عنك بعد البوست كانوا بيدافعوا عنك على اى اساس ؟لمجرد انك بنت اخوانى بغض النظر عن خطؤك الفادح؟

استقيموا يرحمكم الله


9 مستعده أن أضحي بنفسي من أجل حقك في أن تقول رأيك ".:

ابراهيم رزق يقول...

المشكلة مش فى كده خالص
يعنى المشكلة مش انها بنت خيرت الشاطر
و لا انها متطرفة
و لاحتى كذابة

المشكلة لنها مديرة مدارس
يعنى مسئولة عن تكوين فكر و عقول المستقبل
و هى دى الخطورة
احنا رايحين وهما جائيين

تحياتى

فافى يقول...

ابراهيم رزق:
فعلا دى مأساه اخرى !
شرفنى مرورك الراقى :)

مصطفى سيف الدين يقول...

يا ريت تعدلي الآية (لكم دينكم و لي دين )
عادي يعني شيء متوقع من حد عمال يتكلم عن مؤامرات بتحاك في الظلام و الحتت المزنوقة
إنه يحاول يسفه و يزدري الاديان لمعارضيه
على فكرة لما العيد كان بييجي في الشتا كانت الدنيا بتبقى برد
و بعدين ميلاد السيد امسيح هو عيد للبشرية و عيد للمسلمين قبل المسيحيين بس هم الجهلاء
مش المسيح برضه هو اللي هيقتل الدجال
مش القرآن قال ( سلام علي يوم ولدت و يوم أموت و يوم ابعث حيا )

تسفيه تلك المرأة و ان كانت حتى بنت الشاطر و تطاولها على الله في اختياره اليوم الذي ولد فيه كلمته و رسوله عيسى بن مريم غير مقبول مني كمسلم

لعن الله الجهلاء و السفهاء و ان كانوا مديري مدارس

فافى يقول...

مصطفى سيف الدين:
اكيد هاظبط الايه بس لما بكتب وانا متنرفزه بكتب غلط :)
معذره
شرفنى مرورك الراق

غير معرف يقول...

انتي مريضة يا وفاء - انتي فعلا مريضة

غير معرف يقول...

واضح فعلا انك كنتي متنرفزة استخدامك لكلمات بذيئة واسلوب سخرية وتهكم حاد بيقول قد ايه انتي بتفتقدي الاحترام اللي بتطلبيه من الناس

فافى يقول...

الغير معرف :
بخصوص انى مريضه قلتها اكتر من مره
نقطتك وضحت والله :)
والمدونه اسمها مذكرات سايكو يعنى انت مجبتش حاجه من عندك :)
ده غير ان كلنا مرضى بس بنسب لا يوجد احد سوى على الاطلاق وعشان كده انا مش معتبراها اهانه :)
اما بخصوص تعليقك بشكل عام انا مش مستغربه
واضح جدا انك منحاز للخرفان وامثالهم ومؤيديهم وعشان كده شايفنى مريضه لو كنت موافق على كلامى كنت شفتنى عاقله اوى وكلماتى معبره:)
اما بخصوص الاحترام مين قال انى فى البوست ده بطلب الاجترام اصلا انا فقد اطلب الناس تكون عندها عقل وتشغل مخها بدل سياسه القطيع
تحياتى :)

غير معرف يقول...

ههههههههههههههههههههة

غير معرف يقول...

هههههههههههههههههههههة يا مريضة

إرسال تعليق

fafy music