بنت الشاطر (2)

بنت الشاطر كلاكيت تانى مره 

فاكرين لما كتبت البوست ده 

الناس المؤدين للعته ده ساعتها لم يلتفتوا لمغزى البوست قد ماكانوا كل همهم يشتموا فيا ويعلقوا تعليقات خايبه زيهم وفضلوا يقولوا لى انى غلطانه وانى المفروض انى لا اسخر من الناس وانى لازم اكون مؤدبه وانقد بأدب وكلام كبير اوى 

طيب 

النهارده من ساعتين الست الكُمل العاقله بنت الشاطر كتبت البوست ده على الفيس بوك 

السؤال بقى فيه لسه حد عامل هاك على بروفايلها ؟

ولو حد عامل هاك لسه بيناقش نفس الفكره ان المطر غضب من ربنا ؟ :)

 وياترى المطر لو غضب من ربنا طب ربنا  فعلا

طب ربنا غضبان على بتوع التحرير ولا بتوع مكتب الارشاد ؟ 

بالذمه يا مؤيدين الغبره ده كلام منطقى ؟ ده كلام يُعقل؟ 

هاتقوليلى لأ ممكن تكون مش هى اللى كاتباه هاقولكم اخوها سعد خيرت الشاطر دخل علق عليها التعليق الاتى :

وده معناه انه عارف ان اخته اللى كاتبه البوست 

ومعناه كمان انه عارف ان دى مش اول مره تكتب فيها الكلام ده

 وده معناه انها لما قالت المره الاولانيه انها مش هى اللى كاتباه كانت كدابه كدابه كدابه 

مش دى مشكلتى برضه انا عارفه ان الاخوان كدابين انماهسأل نفس السؤال تانى:

   ال39 خروف (واللى اكيد عددهم زاد دلوقتى وانا بكتب البوست) اللى عاملين شير لكلامها حد فيهم وقف شويه مع نفسه عشان يفكر اذا كان الكلام ده منطقى او لأ قبل مايشيره :)))؟؟؟؟!!!!

وال56 خروف اللى عاملين لايك(واللى اكيد برضه عددهم زاد وانا بكتب البوست) ياترى فهموا حاجه من اللى هى كاتباه ويقدروا يشرحولى :)))؟!!!!

وبعد كده لما نقول خرفان ترجعوا تزعلوا 

استقيموا يرحمكم الله 

ملحوظه :قبل ماتدخل تهاجم ارجع للبروفايل خديجه الشاطر وبعدين ناقشنى البوست كله بما لا يخالف شرع الله قصدى كله بالأدله