جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

20‏/10‏/2010

32

happy birthday to u
happy birthday to u

   
إنزل يا جميل على الساحه وإتمختر كده بالراحه 
ده انا قد عنيك مع انى نظرة عينيك دباحه
مالك طالع فى العالى يا مالى قلبى ليالى 
امرك يا جميل



هوففففففففففففففففف




32


فيا حاجه متغيره؟

إيه هيا؟

ياترى إيه؟

أه عرفت إمبارح كان عمرى 31 سنه و 11 شهر و19 يوم لكن النهارده بقى عمرى 32 سنه.

متعوده دايما (:
إنى أحاسب نفسى مرتين فى السنه مره أخر السنه الميلاديه ومره مع بداية سنه جديده فى عمرى وأقيمها أشوف إيه سلبياتها وإيه إيجابياتها وإيه اللى إتعلمته و إيه اللى منعنى عندى إنى أتعلمه ومين اللى أثر فيا بالسلب والإيجاب.
وكنت بحتفظ بيه لنفسى لكن بما إن السنه دى قررت إنى أكون غير روتيينيه وأعمل كل حاجه جديده مش عملتها قبل كده قررت أشارك أخرين فيها .

مأقدرشى أنكر إن السنه الواحد وثلاثين من حياتى كانت شديدة القسوه شفت اللى ماشفتهوش طول حياتى إتعاملت مع ناس سيئه جدا وشفت ناس كتير معندهاش ضمير ولا أخلاق ولا دين عمرى ماكنت أتصور إنى ممكن أتعامل معاهم  وشفت خيانه كتير وغدر كتير وحظى السىء خلانى أتعامل  مع أحط طبقات المجتمع وبعترف إنى نزلت بمستوايا  كتير عشان أحاول أرد الإساءه بالإساءه أوحتى عشان أكون على مستوى الموقف لكن فشلت فى الإتنين وده كان أحسن ماهو مش لازم الناس دى ينجحوا فى إنهم يخلونى زيهم وده اللى إتعلمتوا مؤخرا و دى كانت من الإيجابيات وإتعلمت كمان إن زى مافى ناس وحشه فى الدنيا فى ناس حلوه حواليا كتير وإنى لازم أشوف نص الكبايه المليان مش الفاضى و إن مافيش حاجه ممكن تخلينى سعيده زى نفسى وإنى أسيطر على غضبى و إنى أسمع كويس قبل ماهاجم (((((((((:
وإنى أكون متأكده إن عاجلا أو أجلا هايدفع أى أنسان تمن غلطه ولو بعد حين ومش لازم أضيع وقت فى إنى أكره حد لكن لازم أضيع بعض الوقت فى إنى أحب نفسى.

عموما هى كانت سنه حافله واهى خلصت بحلوها ومرها وبأستقبل سنه جديده
كل سنه وانا اطيب
كل سنه وانا احلى 
كل سنه وانا انضج
كل سنه وانا اسعد



ويا مرحبا ببداية سنه جديده من عمرى كلها سعاده وتفائل وهناء

إلى اللقاء مع سنة جديده من عمرى



4 مستعده أن أضحي بنفسي من أجل حقك في أن تقول رأيك ".:

Mona Hekal يقول...

كل سنه و انت طيبة
وان شاء الله السنه الجديدة احلي ومع ناس ارحم من اللي قابلتيهم السنة اللي فاتت :)

فافى يقول...

وانتى طيبه و ميرسى اوى يا منى ويسمع منك ربنا:)

غير معرف يقول...

حبيبتى فافى
اولا كل سنه وانت طيبه ياجميييل
وماتزعليش نفسك من احداث السنه اللى فاتت الخنيقه
والواحد دايما بيتعلم ولو ماشوفناش الوحش مش هانعرف الحلو...
ولو مازعلناش مش هنعرف الفرح طعمه ايه..
انا لو مكانك احمد ربنا انى شفت اللى ماكنتش شايفاه..احيانا الواحد فعلا مابيشوفش الناس كويس
وبينخدع بسهوله وبيرجع يقول ازاى ده حصل قدامى وانا ماشوفتوش؟؟؟؟
الواحد فى المدرسه بيذاكر علشان يمتحن
لكن فى الحياة بيمتحن الاول وبعد كده يذاكر من الامتحان..فهمتى..
عموما دايما حبى نفسك الاول..لو حبيتيها صح ..هتلاقى انك مش محتاجه تكرهى حد لانك مش فاضيه تكرهيه وتضيعى وقت من عمرك فى التفكير فيه..
وتانى كل سنه وانتى طيبه
تحياتى
داليا

فافى يقول...

وانتى طيبه يا لولو وكلامك بجد حلو كتير ووصلنى

إرسال تعليق

fafy music