جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

11‏/12‏/2011

هلاوس ليليه (3)


1-فى حياة كلا من الرجل والمرأه يوجد شخصان ,شخص للحب وأخر للزواج ولكن الفرق أن الرجل يسعى لوجودهم بكامل إرادته ولكن المرأه تسعى لوجودهم بكامل إضطرارها.

(عايزله بوست لوحده )

2- الإنسان عباره عن إستجابه كبيره لعدد لا نهائى من المثيرات التى لا يستطيع تغييرها و لكى يحيا فى هذا العالم يجب أن يغير جزء أو مجموعة أجزاء من إستجاباته.

(لذلك الحياه كلها صراع) 

3- تعبيرك عن رأيك داخل نطاق حريتك ولكن طريقة تعبيرك عن رأيك داخل نطاق حرية الأخرين.

So watch ur language,please

 

4-  الحد الأقصى من الموضوعيه ليس هو مراقبة ذاتك فحسب ولكن مراقبة الذات التى تراقب ذاتك ثم مراقبة الذات التى تراقب الذات التى تراقب ذاتك إلى مالا نهايه.

(وعشان كده ماتحاولش عمرك ماهتكون موضوعى 100%)



5- يجب أن يقرأ الإنسان جميع الكتب التى تتحدث عن فلسفة الحياه ثم بعدها يتبع فلسفته الخاصه.

(عشان الإنسان اللى بيصنع الكتب مش الكتب اللى بتصنع الإنسان )


6 - لم ولن يوجد قانون يعدل بين جميع البشر عدا القانون الإلهى.

(مثال :قانون الخلع خدم بس الست اللى نفسها تخلص من البنى أدم عديم الكرامه اللى متجوزاه ومش عارفه, لكن جنى على الست اللى مش عايزه تتنازل عن أى حق من حقوقها)


7-الخيانه مؤلمه كلمس الجمر.

(ممكن جرح لمس الجمر يتعالج بس لازم هايسيب أثر)

11 مستعده أن أضحي بنفسي من أجل حقك في أن تقول رأيك ".:

Hesham يقول...

على فكره يافافى البند الأول - سبحان الله - انا لسه كاتب عنه قصه قصيرة ولسه حاططها على البلوج بتاعى من دقيقتين فقط ارجو ان قرأتيها ان تحوز اعجابك وفى كل الاحوال اذا اعجبتك او لم تعجبك انتظر تعليقا عليها لانى كتبت مجموعة قصص قصيرة ان شاء الله انشرها قريب

شمس النهار يقول...

ونبي كلام حلو:))

بس عايزة اقولك ان قانون الخلع المطبق الان لايمت بصلة للشرع
الخلع ان تخلع المرأة من لا تعيب عليع شئ لكن لاتستطيع معاشرته
لكن مايحث الان هو اجتراء علي شرع الله بأن تدفع المرأة ثمن حريتها بلوي الدراع
:(

P A S H A يقول...

الجملة الرابعة مركبة ومربكة

بس البوست جميل فعلاً وعميق

والموسيقى كمان حلوة

خالص تحياتي وعميق احترامي وتقديري

:)

sabry abo-omar يقول...

جميلة كلماتك وهلاوستك كلها فلسفية وعميقة جدا.. عايزين هلاوس كتير من دى .. ربنا يوفقك
على فكرة تزامن مع كتباتك هلاوس ماقبل النوم انى كمان كتبت أحلام ماقبل النوم برضو.. انتى بتهلوسى وانا باحلم.. تحياتى

فافى يقول...

استاذ هشام :
حالا هاروح اشوفها واقولك رأى

فافى يقول...

شموسه :
معلشى ربنا على القوى مانا عشان كده قلت مافيش قانون هايعدل بين الناس الا القانون الالهى اللى مش بيتدخل فيه الناس

فافى يقول...

سعادة الباشا :
مركبه وقلنا ماشى انما مربكه ليه ؟؟
تحب اشرحها لك؟؟

فافى يقول...

دكتور صبرى :
لازم تكون انت بتحلم وانا بهلوس اصل انا مش بعرف احلم اصلا وعشان كده سميتها هلاوس :)

Hesham يقول...

الاستاذه فافى مقولتليش رايك فى القصة ؟ انا بعت لمنى وكل الاصدقاء علشان يقولوى رايهم

Nadeen salama يقول...

مساء الخير فافي


كنت قد وصلت متأخرة


لكنني اتمنى ان اجد مكاناً دائما


سأحجز مقعداً بالقرب

دون ان ازعجك

فافى يقول...

نادين :
بيتك ومطرحك طبعا :)

إرسال تعليق

fafy music