أفتح الفيس بوك ألاقى فيديو بعنوان
(الأماره النفسيه لمرشحين الرئاسه )
وبالرغم من إنى عمرى ماسمعت عن مصطلح الأماره النفسيه ده غير فى حوش أم تيتى
ولكن قلت أتفرج عليه لأن دايما بيجيلى هيستريا فضول لأى حاجه فيها الأربع حروف دول :
(ن, ف , س , ي ,ة)
لقيت الطبيبه النفسيه منال عمر متشنجه كعادتها وبتتكلم بجميع أجزاء جسدها وقال إيه بتحلل مرشحين الرئاسه نفسيا !!!!
ضحكت و قلت وماله خلينا نسمع بتقول إيه
أفوجىء ألاقى ان الست منال بتفلتر مرشحين الرئاسه على مزاجها وبتسرد جميع مميزات اللى عجبوها وبتسرد جميع عيوب ومساوىء اللى ماجوش على مزاجها وده طبعا بعيد تماما عن الحياديه وحيادية التحليل النفسى بالذات ده طبعا لو سمينا ده تحليل نفسى
قلت أطنش خااااااالص
ودخلت على صفحه تانيه لقيت العنوان ده:
(التحليل النفسى لمرشحين الرئاسه عن طريق ملامح الوجه )
قعدت أقول هو ده محكنا فى إختيار رئيس الجمهوريه ؟؟؟؟
طب هو المفروض أتراجع عن دعمى لأبو الفتوح لما أكتشف إنه إخوان ولا أتراجع عن دعمه لمجرد إن مناخيره مش عاجبه البيه ؟؟؟؟!!!!
ومع ذلك قلت أطنش خااااااااااالص
ودخلت على بوست تانى لقيت الصوره دى:
واللذيذ إنه قايل كلام عكس اللى قالته الدكتور منال تماما فيما معناه انه حلو وعسول !!!!
طيب مش المفروض إن نتيجة التحليل تكون واحده فى أى معمل؟؟
ولا ممكن واحد يطلع عنده السكرفى معمل ويطلع ماعندوش السكر فى معمل تانى؟؟!!
لأ مش ممكن بقى!!!!
هو إيه حكاية موضة التحليل النفسى للمرشحين الرئاسه ده ؟؟؟
اللى أعرفه ان التحليل النفسى نوع من العلاج بياخد من 1 الى 3 سنين بواقع 5 جلسات اسبوعيا وكل جلسه 45 دقيقه
اللى أعرفه ان التحليل النفسى نوع من العلاج بياخد من 1 الى 3 سنين بواقع 5 جلسات اسبوعيا وكل جلسه 45 دقيقه
عشان بعد كده اطلع اقول بقلب جامد
(أنا حللت فلان نفسيا )
و كمان ماينفعشى أطلع اقول انا حللته لأن اخلاقيات المهنه تمنع ان اى معالج أو طبيب يفشى اسرار التحليل ده
هل ده معناه ان شفيق وموسى وحمدين وابو الفتوح وسليمان والإخوان سابوا أشغالهم وخضعوا لجلسات تحليل لمدة سنه بواقع خمس جلسات أسبوعيا وكل جلسه 45 دقيقه؟؟؟!!!
هل ده معناه ان شفيق وموسى وحمدين وابو الفتوح وسليمان والإخوان سابوا أشغالهم وخضعوا لجلسات تحليل لمدة سنه بواقع خمس جلسات أسبوعيا وكل جلسه 45 دقيقه؟؟؟!!!
وهل ده كمان معناه انهم اعطوا موافقه كتابيه للدكتوره عشان تقول تحليلهم النفسى قدام مصر كلها ؟؟؟!!!
دى كلها مجرد أراء شخصيه وإسقاطات ياتصيب يا تخيب ومش ممكن يكون محكى فى إختيار الرئيس هو مجرد أراء حد تانى ولاترقى لمرتبة العلم
وطبعا من حق كل واحد يقول رأيه لكن ماينفعشى تكون تحت مسمى
(التحليل النفسى)
لأن زى مافى ناس بتصدق انهم هايدخلوا الجنه لو انتخبوا ابو اسماعيل
وزى مافى ناس بتصدق انهم قالوا نعم فى التعديلات الدستوريه للدين
برضه فى ناس بتصدق ان كل الفلول شياطين لمجرد انهم ماجوش على مزاج الست منال عمر الثوريه ولن اقول طبيبه نفسيه لانها المفروض تكون حياديه وتتقبل كل الأراء والشخصيات بفلولها بإخوانها بثوارها
برضه فى ناس بتصدق ان كل الفلول شياطين لمجرد انهم ماجوش على مزاج الست منال عمر الثوريه ولن اقول طبيبه نفسيه لانها المفروض تكون حياديه وتتقبل كل الأراء والشخصيات بفلولها بإخوانها بثوارها
المشاركات
5 مستعده أن أضحي بنفسي من أجل حقك في أن تقول رأيك ".:
الفرق بين الشخص الإيجابي والشخص السلبي:
1 - الإيجابي.....يفكر في الحل
السلبي .....يفكر في المشكله
2 – الإيجابي.....لا تنضب أفكاره
السلبي .....لا تنضب أعذاره
3 - الإيجابي.....يُساعد الآخرين
السلبي.....يتوقع المساعدة من الأخرين
4 - الإيجابي.....يري عدة حلول لكل مشكله
السلبي.....يري مشكله لكل حل
5 - الإيجابي.....يعتبر الإنجاز إلتزاماً يلبيه
السلبي.....لا يري في الإنجاز أكثر من وعد يعطيه
6 -الإيجابي.....لديه أحلام وأهداف يسعي لتحقيقها
السلبي.....لديه أوهام واضغاث أحلام يبددها
7 -الإيجابي.....يقول ...عامل الناس كما تحب أن يعاملوك
السلبي.....يقول ...أخدع الناس قبل أن يخدعوك
8 -الإيجابي.....الحل صعب لكنه ممكن
السلبي.....الحل ممكن لكنه صعب
9 -الإيجابي.....يرى في العمل أمل
السِلبي.....يرى في العمل ألم
10 - الإيجابي.....ينظر الي المستقبل ويتطلع الي ما هو ممكن
السلبي.....ينظر الي الماضي ويتطلع الي ما هو مستحيل
11 - الإيجابي.....يختار ما يقول
السلبي..... يقول ما يختار
12- الإيجابي.....يناقش بقوة وبلغه لطيفه
السلبي.....يناقش بضعف و لغة فظه
13 -الإيجابي..... يتمسك بالقيم ويتنازل عن الصغائر
السلبي.....يتشبث بالصغائر ويتنازل عن القيم
14 - الإيجابي.....يصنع الأحداث
السلبي.....الأحداث هي التي تصنعه
انتى اهل الخبره و تفهمى اكتر ....بس عندك حق فى حكايه "التحليل النفسى " دى كأن الناس متخيله انى هاحلل واحد نفسى بنظره عين...
الغير معرف :
طبعا عرفت انت مين من نعليقك :)
ميرسى على مرورك الراقى
دكتور دودى :
للاسف انا مش اهل خبره بالنسبه للناس اللى بتتكلم وده سبب ادعى انهم مايغلطوش فى حاجه زى دى لان كلامهم محسوب عليهم والناس بتصدقه
دلوقت كل واحد بيحاول يستفيد من الانتخابات في شهرة خاصة له
كله بقى محللين نفسيين و سياسيين و اقتصاديين و مش عارف ايه و يحللوا المرشحين قال و هم في الاساس بيتربحوا من الضحك على عقول الشعب
و عجبي
إرسال تعليق