أيوه
هانتخب ابو الفتوح
هانتخبه وأنا مغمضة العين وصماء الأذن عن بعض تصرفاته الأخيره
اللى ماعجبتنيش ومانكرشى إنها قللت رصيده عندى كتير بعد ماكنت بحبه وعملت له توكيل
وأنا ساعتها ماكنتش متأكده إنى هانتخبه
هانتخبه
وانا بنتقد تصرفه انه لم يتنازل لحمدين صباحى أو صباحى يتنازل له عشان الأصوات لا
تتفتت بينهم وغلبوا الإتنين مصلحتهم السفلى عن مصلحة البلد العليا
هانتخبه
وأنا بنتقد تصريحاته عن مرض صباحى بفيروس C
هانتخبه
وأنا بنتقده إنه لم يوافق على إجراء مناظره بينه وبين صباحى بحجة إنهم واقفين
على أرضيه واحده ومع ذلك وافق على إجراء
مناظره بينه وبين مايقول عنهم فلول وكان أولى به الترفع عن هذا
هانتخبه
بغض النظر عن إن المناظره دى نفسها قللت من أسهمه لأن ردوده على بعض الأسئله لم تكن وافيه وكافيه ده غير ترديده بعض
الشعارات اللى تودى ولا تجيب
هانتخبه
وأنا متوجسه خيفه من علاقته بالإخوان وعدم إقتناعى التام بإنه إنفصل عنهم شكلا
وموضوعا
هانتخبه
وأناخايفه إنى ألاقيه بعد الفوز بيبوس إيد المرشد وتبقى يا مصر خدتى أكبر
قفا فى حياتك
هانتخبه
وأنا مشمئزه منه بعد ماعرفت إنه مؤسس جماعة القتله اللى ياما صفت مثقفين وبارزين
هانتخبه
وأنا متأكده إنه رجع فى كلامه فيما يخص(
البيعه وحق الرده) فى مذكراته ورجع قال حاجه تانيه عشان يرضى الناس ويفوز بأصواتهم
هانتخبه
بمنطق أحسن الوحشين
وعشان
أكون عادله لازم أذكر الإيجابيات
1-برنامج
إنتخابى جيد
2-شخصيه
محترمه وصادقه الى حد ما أو( لحين إشعار أخر )
3-رجل
مناضل و ذو فكر ثورى من قبل الثوره
4- رجل
طيب وذو وجه سمح وبشوش
5- محب
لعمل الخير ومساند لأبناء وطنه
6- قدر على جمع العديد من أطياف الشعب المتنافره
حوله ومصر فى أشد الحاجه إلى وحدة أبناءها الأن
7- إنتخابه
هايهد الإخوان ومش هايديهم فرصه يتجننوا علينا على العكس لو طلعت النتيجه موسى أو
شفيق
8- هو
المرشح الوحيد اللى قابلته وجه لوجه وإقتنعت بحديثه
هاتقول لى ده؟
هاقولكم :مش كل ثورى ناجح بالضروره يبقى رئيس جمهوريه ناجح
طب ده؟
شايفه فيه مبارك
وده؟
أحبك أه أنتخبك لأ:)
وده ؟
قصدكم ده
وده؟
مين خالد على ده ؟؟؟؟
مش قولنا مش كل ثورى ناجح يبقى رئيس جمهوريه ناجح ؟؟
وعشان
كده هانتخب ابو الفتوح
ولكى الله يا مصر
3 مستعده أن أضحي بنفسي من أجل حقك في أن تقول رأيك ".:
انا قررت انى ادى الرجل اللى بتقولى عليه
مش اى رجل ثورى يبقى رئيس ناجح
يمكن علشان انا اعرفه على المستوى الشخصى
لكن معنديش اى اعتراض على ابو الفتوح حتى الاسباب اللى ذكرتيها عن ابو ابو الفتوح غير مؤثرة من وجهة نظرى
و ربنا يولى الاصلح
تحياتى
ابراهيم رزق :
ربنا يولى الاصلح :)
السلام عليكم ورحمه الله وبركاته
رغم كل ماكتبتيه لسه مصره على انك ترشيحه
طيب متمسكه بيه ليه
انا هدى صوتى للصباحى ان شاء الله
يكفى عندى انه بيراعى ربنا فى الى بيعمله
وده انا حسيته منه وامل من الله ان يكون أهل لذلك
دومتـ بكل الود ..
معـ خالص تحياتى ..
إرسال تعليق