جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

18‏/12‏/2011

سيناريو اسقاط مصر للأبد


ابطال المسلسل 
الجزء الاول من المسلسل 
إبتدى بالأتى :
موقعة الجمل
  سقوط عدد من الشهداء
المشهد الاول
تحدى رهيب بين ثوار التحرير ومبارك وصوت هتافات  فى الخلفيه بتقول
(مش هانمشى هو يمشى )
المشهد التانى
المشير يذهب الى مبارك ويطلب منه التنحى كالأتى:
ياريس انا من رأى نعملهم اللى هما عايزينه عشان فى ظباط جيش ابتدت تنزل ميدان التحرير وانا خايف يحصل انقلاب
مبارك:
انت شايف كده يا طنطاوى ؟ ماشى بس بشرط تتضمن لى السلامه انا وعيلتى وفلوسى اللى نهبتها من الشعب
طنطاوى : اطمن يا باشا ان شاء الله طول مانا عايش  ماحدش هايقرب لك انت وعيلتك وماتخافشى 
هاظبطك
مبارك :اتفقنا يا طنطاوى روح هات عمر سليمان يقول خبر التنحى انا مش هاتكلم مع ولاد الكلب دول تانى
وقال عمر سليمان الخبر وهللت مصر وركب العسكر

الجزء التانى من المسلسل 

المشهد الاول
موقعة مصطفى محمود ثم مجلس الوزراء ثم سقوط عدد من الشهداء 
تحدى رهيب بين الثوار والمشير وضوت هتافات بتقول
(يسقط يسقط حكم العسكر)

المشهد التانى :
المجلس العسكرى منعقد ومشاورات حول انتخابات رئاسيه فى يناير بعد وصول الامور لذروتها
عنان :انا شايف يا سيادة المشير ان الحكاية إتأزمت جدا وان العيال البلطجيه دول مش هايرجعوا الا لما نسيب لهم الدنيا مطربقه على دماغهم
طنطاوى : انت شايف كده يا عنان ؟
عنان :ايوه يا سيادة المشير
طنطاوى : وانت يا مختار ايه رأيك ؟
مختار: بصراحه انا من رأى اللواء عنان وياريت حد من اخواننا الحلوين يمسكوهم عشان يعلموهم الادب
طنطاوى : وانت ايه رأيك يا شاهين ؟
شاهين : انا برضه شايف كده يا سيادة المشير بس الخطوه دى اذا ماتحسبتشى كويس يبقى هايحصل مصيبه هاييجى واحد يقرفنا ويسمع كلام العيال البلطجيه دول ويحاسبنا خدنا ايه وعملنا ايه  ومش بعيد نتحاكم هااااصت بقى 
المشير:لا طبعا انا مش ممكن اسمح بكده انت عارف كويس ان الجيش خط احمر مين ده اللى يقدر يحاسبنا ؟ 
عموما انتوا شايفين كده ؟
ماشى بس بشرط اللى ييجى نظبط معاه
عنان : انا بقترح نجيب حد من اخواننا الحلويين فعلا يا سيادة المشير طول عمرنا علاقتنا كويسه بيهم وهما عموما لا يهمهم شهداء ولا دياولوا دول ناس عمليين مش عندهم وقت للعواطف الخايبه دى هما كل اللى يهمهم الكرسى
المشير :ماشى هاتولى واحد منهم عشان اتفق معاه
وجه واحد منهم
(س) :انا سعيد جدا بالشرف اللى حضرتك ادتهولى ده انا مش عارف اشكرك ازاى
المشير:اه بس شرط تضمن لنا السلامه وماحدش يقولنا لحق شهداء ولا يحزنون ؟
(س) : امرك يا سيادة المشير ان شاء الله طول مانا عايش ماحدش هايقرب ليك انت ولا اى حد من المجلس ولاحد هايحاسبكم
المشير: طب والعيال البلطجيه بتوع التحرير هاتعمل معاهم ايه ؟
(س) : العيال دى مش بلطجيه يا باشا دول( كفره )
وربنا قال فى كتابه الكريم :يا أيها الذين امنوا إن تطيعوا فريقا من الذين كفروا يردوكم على اعقابكم خسرين ماتخافشى يا باشا انا
هاظبطك

ومشى المجلس وركب( الاخ ):

 المشهدالأخير فى اخر حلقه فى الجزء التانى من المسلسل : 
نهار خارجى فى ميدان التحرير(2025) على واحد من المتظاهرين مسحول على الأرض وهو بيردد فين (عايزين حق الشهداء ولا للمحكمات العسكريه)
الخ......
البوست لحد كده انتهى 
مش قصدى اشتم فى حد ولا اتريق على حد ولا اشكك فى حد ولكن هو مجرد تعبير عن خوفى من اللى جاى
من اننا نفضل نلف فى الحلقه المفرغه دى لحد مانتعب وندوخ ومنبقاش قادرين نكمل ولا قادرين نتراجع ويبقى
ياثوره ماتمت

2 مستعده أن أضحي بنفسي من أجل حقك في أن تقول رأيك ".:

Hesham يقول...

الصديقة العزيزة
اسمحلى لى أن يكون تعليقى طويل شوية ، أولا من حيث السيناريو والحوار من الناحية الفنية فلديك موهبة جميلة فى هذا الاطار اتمنى ان اراها يوما تخرج لنا على الشاشة عملا فنيا راقيا .
ثانيا من حيث الناحية العملية والسياسية هناك مشكلة فى طبيعة الشعب المصرى او تركيبته والذى خرج منه بالطبع اعضاء المجلس العسكرى- فهم ليسوا اجانب-ان بنية النظام السياسى المعتمد على الحوار الديمقراطى متهدمة منذ 1952 وبالتالى فمجرد الخروج من قفص مظلم الى نور ساطع بالطبع سيتخبط الجميع وستاخذ وقتا حتى نرى بوضوح فى النور .
انا كتبت امس مجموعة تساؤلات على مدونتى بعنوان ماذا لو ولماذا لم تطرح مجموعة تساؤلات وسيناريوهات اخشاها اهمها مايمكن ان يحدث بعيدا عن كل مايتعلق بالسياسة ولكنها قد تكون نتيجة، فهناك مايربط افراد القوات المسلحة بعضهم ببعض برابط اشد واقوى وهو رابط المعاناه فى الخدمة العسكرية( يطلق عليه رابط الدفعة ) وهو ماقد يؤدى الى انهيار اى نظام سياسى ديمقراطى حال قيام افراد او وحدات من الجيش بالانقلاب على الجميع مجلس عسكرى او شعب ولديهم من الوسائل لتحقيق ذلك بسهولة تامة وذلك انتقاما ايضا من الجميع نتيجة مايتعرض لهم زملائهم من اهانة على ايدى الشعب وهنا لن يفرقوا بين الجميع لان خروجهم سيكون لهدف نفسى وهو الانتقام من الجميع وليس هدف سياسى للسيطرة على الحكم وبالتالى سنعود للوراء سنوات وسنوات والموضع هنا اسهل من سوريا بكثير من الناحية العسكرية فالامر لايتعدى سوى شارع واحد او ميدان واحد واتذكر مقولة الزميلة نهى حنما حلقت طائرة اف 16 فوق الميدان بماذا شعروا .
من ناحية ثانية قد اتفق مع معظم بل جل ماسردتيه فى السيناريو بشأن التظبيط والخوف من المحاكمات ولكن لكى ان تعلمى ان كلم من يخرج علينا بإطلالته البهية من اعضاء المجلس العسكرى فهو ليس من اعضاء المجلس فلم يخرج علينا من المجلس الاصلى سوى طنطاوى وعنان والباقين هم مجموعة ظباط معاشات تخطوا سن الستين واستدعاهم طنطاوى ليكونوا معه بعد الثورة بعد ان اصبح المسئول الاول عن الجيش وهؤلاء جميعا خرجوا الى التقاعد ايام مبارك اما اعضاء المجلس الحقيقييين فهم لم يتخطوا الستين بحكم القانون وهم يشغلون قمة الهرم الوظيفى لاسلحتهم مثل قائد القوات البحرية او الجوية او الدفاع الجوى او رئيس هيئة العمليات ....... وهؤلاء لاسف الشديد لايجتمعون فكل فى وظيفته وعمله وليس لهم علاقة بما يجرى وحتى لو لاحظتى فالجيش نفسه ليس له علاقة بما يجرى ، لو نظرتى جيدا لوجوه افراد الجيش والجنود اثناء يناير ونظرتى الى وجوهمم الان ستجدين ان كلهم حاليا هم افراد امن مركزى بجهلهم - حاله عملية - زوجتى تعمل فى مبنى التليفزيون وهى بذاتها ترى الفرق بين وجوه وتصرفات الجيش اثناء وبعد الثورة القائمين على حراسة المبنى وبين الموجودين حاليا من افراد يعاكسون السيدات ويضحكون بصوت عال بينما من قبل قالت لى لم يلتفت احد من الجنود لاى سيدة - لو تلاحظين الفرق بين نوعية الجنود ستعرفين ان الجيش انسحب عمليا من الشارع ولم يتبق سوى جنود امن مركزى بزى قوات مسلحة وتلك مصيبة اخرى لانها قد تدفع الجيش الذى لاذنب له الى مواجة الشعب الذى لاذنب له ايضا بحجة ان كل من يرتدى زيا عسكريا فهو جيش وضباط الجيش مسلحين ولو فى خناقة فى شارع وحدث استفزاز ومواجهة قد تؤدى بنا الى كارثة انقلاب عسكرى يدمر كل شئ
بالطبع انا لم اكتب كل مااريده ولكنى شعرت بانى اطلت ولكن اعتقد انه قد وصل لكى مايروادنى وان احببت استكمالا فاتمنى ان تقراى البوست بعنوان ماذا لو

فافى يقول...

استاذ هشام :
نقطتك وصلت طبعا وفهمتك جداو بجد اضفت لمعلوماتى
هو ممكن السيناريو يكون فى بعض الخيال لكن الغرض منه واقعى جدا وكارثى فى نفس الوقت
انت فهمت انا اقص ايه بالحلقه المفرغه ؟
اننا نفضل كده فى دائرة التخوين ولسعى وراء القصاص لحد ماندصيع البلد كلها هو ده اللى انا اقصده بالسيناريو بالتحديد
وطبعا طول براحتك دى مدونتك :)

إرسال تعليق

fafy music