جميع حقوق النشر محفوظه ولا يجوز إستخدام أى من هذه المواد المنشوره أو نسخها إلا بإذن خطى من الناشر

30‏/05‏/2013

سيكولوجية الإخوان 2





 بمناسبة إنى فى ناس مؤيدين الإخوان ((بتوع ربنا)) أو الإخوان نفسهم 
((بتوع ربنا برضه)) بيدخلوا عندى فى المدونه وبيسمعونى مالذ وطاب من الشتايم لمجرد إنى بختلف معاهم فى الرأى  أنا بقولهم إنكم كل ما تزيدوا فى الشتايم هازود فى البوستات اللى بتحرق دمكم وبتجننكم وبتخلى النور اللى وشكم ينطفى وزبيبة الصلاه تختفى وبتبانوا على حقيقتكم :)
فى الجزء الثانى واللى أكيد مش هيكون الأخير فى الحديث عن سيكولوجية الإخوان 
هنتكلم عن الحيل الدفاعيه اللى بيعملوها المؤيدين فى حالة لما مرسى بيعمل مصيبه جديده فى البلد
الإخوانى لما مرسى يعمل مصيبه
 يبدأ الأول بحيله دفاعيه إسمها الإنكار
وتلاقيه رايح قايلك إيه مصدرك ؟؟
جبت الكلام ده منين؟؟
أكيد من الإعلام الفاسق الداعر الفاجر إعلام مبارك ...إلخ
عشان يشكك فى معلوماتك طبعا

ولما يلاقى مفيش فايده من الإنكار و المعلومات أكيده 
يقوم يعمل حيله دفاعيه تانيه إسمها الإسقاط 
ويروح رامى التهمه على حد من الإتنين
 (المخلوع) أو جبهة الخراب (على حد تعبيرهم)

ولما يلاقى مفيش مبرر منطقى يخلى مبارك أو جبهة الإنقاذ مسئولين 
 وإن التهمه لابسه مرسى لابساه

يبتدى يعمل حيله دفاعيه إسمها التبرير 
والمصيبه تتحول بقدرة قادر إلى حكمه و حنكه سياسيه
 وتخيل بقى لو مرسى ماكنشى عمل كده كان ايه اللى حصل ؟؟!
هاهاهاهاهاهاهاهاهاهاها
(ضحكه رقيعه)

10 مستعده أن أضحي بنفسي من أجل حقك في أن تقول رأيك ".:

لورنس العرب يقول...

لن تجدي بشر متكبرين مثل هؤلاء
يكفي أن الحقيقه أمام أعينهم ويرفضون الإعتراف بها
ولا يقولون الحق خوفا من نقد الرئيس
وكلما تحدث أحدهم عن الدوله قال أن كل شيء تمام
وعندما تغلبه في النقاش يقول لك انك ضد الإسلام
لا والمصيبه انهم بيقولوا للناس "موتوا بغيظكم" عشان شايفين نفسهم حلوين أوي لدرجة أن فيه حد ممكن يموت من الغيظ منهم
ربنا يهدي ولله

لورنس العرب يقول...

انا عملت لهم سلسله عندي في مدونة الميكروباص أسمها "موتوا بغيظكم" - بس مفيش فايده لأن الكبر ملوش نهاية

حنعيش يعنى حنعيش يقول...

ماتنسيش حيلة التكوين العكسى ودى حيلة اساسيه عند الاخوان

حنعيش يعنى حنعيش يقول...

هههههههههههههههههههههههههههههههههه
( ضحكة محشش)

فافى يقول...

لورانس العرب :
هما بيقولوا موتوا بغيظكم مش عشان شايفين نفسهم احسن مننا وبس ولكن دة محاوله فى انهم يستخدموا كلام ربنا فى غير محله كالعاده عشان يحققوا مكاسب :)
شرفنى مرورك :)

فافى يقول...

إسلام :
برافو عليك انك فكرتنى بس فسر بيعملوا امتى تكوين عكسى يمكن اضيفه للبوست فى هيئه تحديث
بس عجبتنى ضحكة المحشش دى اوى :)

حنعيش يعنى حنعيش يقول...

دايما بيظهرة عكس مايبطنوا ...يعنى يتكلم بقال الله وقال الرسول ويكدب وينافق ... يعنى يقولك القانون ويخالف احكام القضاء ... يقولك مافيش اخونه ويخلى البرنس نائب المحافظ ... يعنى يقولك مصر ويبيعها حته حته ... يعنى يبتسم ابتسامة الصفرا فى وشك وشايلك السكينة ورا ضهرة ... بالبلدى ولاد كلب

فافى يقول...

اسلام ده حقيقى فعلا

Hesham يقول...

واضح يافافى انك اخوان مستخبية علشان يقولوا انهم ديمقراطيين ههههههههه

غير معرف يقول...

عطشـــان ياصبايا دلونى على السبيل

فى عام 2008 كتبنا فى مصــــرنا محذرين ... من المؤسف أن صحفى مصرى مقيم فى أمريكا يكتب و يهتم و يحذر منذ أكثر من 6 سنوات بينما فى مصـــر نيام .. نيام -
عزيــــزى القارئ أرجو أن تتعب نفســـك و تقرأ :
- حوار مع السفير إبراهيم يســـرى
- حوار الفريق ســوار الذهب : أتمنى أن تزول الحدود بين مصــــر و الســـودان
- ثقافة الهزيمة .. السودان أرض مصرية
- ثقافة الهزيمة .. موسم الهجرة إلى الجنوب ...

بالرابط التالى

www.ouregypt.us

إرسال تعليق

fafy music