يوم 8/1 المدونه بقت عمرها سنتين
طبعا أنا عمرى ما إعتقدت فى نفسى الموهبه إطلاقا وطول عمرى شايفه نفسى مش شخصيه موهوبه أو إبتكاريه على الإطلاق (الا فى بعض الحاجات طبعا) (وش بيغمز)
ولحد دلوقتى بصراحه شايفه كده
سبب أنشاء المدونه
ولكن سبب إنى عملت المدونه دى إنى نفسى أفكارى وأرائى تطلع للنور ويستفيدوا منها الناس حتى ولو كانت طالعه من حتة بت لا راحت ولا جت زى مانا كاتبه فى وصف المدونه وأتمنى جدا إن يكون ده حصل فعلا
ظروف إنشاء المدونه
كان نفسى أعمل كتاب وأكتب فيه أرائى أوى وبعدين نصحتنى صديقه إنى بدل ما أعمل كتاب أعمل مدونه وأشوف رأى الناس فيها وبعدين لو عجبتهم أعملها كتاب بس اللى حصل ان المدونه طلعت سمك لبن تمر هندى
بمعنى أنها بتتكلم فى كل حاجه وفى أى حاجه شويه سياسه وشويه دين وشويه علاج نفسى وبقى مستحيل تتحط كل المواضيع دى فى كتاب واحد
ستايل المدونه
راعيت إن يكون كل ذره فى المدونه فيها جزء من شخصيتى يعنى قالب المدونه وألوانها والساعه وكارنيجى ومزيكتى المفضله يعنى بإختصار جعلتها تتحدث عنى
فى ناس شايفه إن ده نوع من أنواع البارنويا
مممممممممم جايز برضه :))
المهم إن من ساعتها بقى بلوجر عالمى المفضل أكتر من الفيس وتويتر وهو العالم اللى بلاقى فيه الهدوء والرقى (الى حد ما ) (وش مبتسم)
تعليقات المدونه
طبعا ماقدرشى انكر ان فيه تعليقات كتييييييير بتشجعنى وبتخلينى أكمل ولكن فى نفس الوقت بالرغم من إن لسه لم يولد اللى يحبطنى لكن لقيت تعليقات أمنيتها النيل منى
والمثابره فى إستفزازى بس على مييييييييييييييييين (وش بيغمز)
بلوجر
على مدار السنتين اللى فاتوا زرت بيوت كتير فى بلوجر منها اللى خبطت ودخلت بس مالقتش حاجه تستاهل ومنها اللى زرته وزيارته جت بفايده و إتعلمت منه كتييييير أوى ومنها اللى لم يجيد أداب الضيافه
المهم إن بلوجر يعتبر عالم خصب لأى مشتغل بعلم النفس لإنه بيدى فرصه إنه يقتحم سيكولوجية البشر بإذن منهم
ويتعرف على ألامهم وأحزانهم وأمالهم وأفكارهم ومخاوفهم
شكر
بشكر أصحاب مدونات ساعدوا فى إن المدونه تظهر بالشكل الحالى وهما:
رشا فرج (إلهام ولا أحلام)حسنى محمد (مذكرات مريض نفسى)منى الغرباوى ( my own space )
سما (الشوكه الناعمه )
كل سنه وانتى مفيده يا مدونتى
10 مستعده أن أضحي بنفسي من أجل حقك في أن تقول رأيك ".:
كل سنة و انتى طيبة
كل سنة و مدونتك طيبة
و كلاكعنا تفيدك اكثر و اكثر
هههههههههههههههههههههه
تحياتى
كل سنه وانت طيبه
وانتم طيبين
ميرسى ليكم أوى :)
كل سنة وحضرتك طيبة وبخير ومدونتك منورة البلوجر كله
:)
كل سنة ومدونتك جميلة ومنورة بلوجر
وبجد انا بحبها جداااااااا
:)
شمس النهار :
وانتى طيبه وبخير يا شموسه وانا كمان بحبك وبحب مدونتك جدا
كل سنة و مدونتك في زيادة و ازدهار :-)
لا شكر على واجب و التعاون واجب بين الأصدقاء
رشا فرج
انتي اللي بتعرفي تشدي القارئ يا فافي
احنا مالناش دعوة
كل سنة وانتي مدونة شاطرة
حظى ان اول تدوينة اقرأها هنا تبقى التدوينة دى :D
كل سنه والمدونة طيبة .. انا متابع جديد ان شاء االه :)
mindektomia
اهلا بيك فى المدونه وان شاء الله تعجبك :)
إرسال تعليق